MAZMUR 72:10 - KITAB NU TUMPU ALLA LELE MA'IMAI'

¹⁰ To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

MAZMUR 72:10 ပူးပေါင်းရင်းမြစ်များ

KAJADIAN 10:7

Lee' i Kus aijo'mo anu jojoong i Seba, Hawila, Sabta, Raema ka' Sabtekha. Lee' i Raema aijo'mo anu jojoong i Seba ka' Dedan.

1 TOMU-TOMUNDO' 10:1

Kapandean i Salomo tinogilelemo tinoka-tokamo hi tomundo' boune nu lipu' Syeba. Sahingga ia nambamo mae i Yerusalem kahanda' monsoba-soba i Salomo, ia soba nompokilawa anu toto maha-mahan.

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:2

Ia namba sinangaluan nu mian da'isan hondo, ka' unta pinaha posake'an manjo'ona lampa-lampa, to batu-batu nu mainan, ka' mosoni' manjoo' hondo. Salatan siningkabotmo tiba i Salomo, tomundo' boune aijo' soba sobamo nompokilawa iwi-iwi' na ngahannyo anu uutu i kinyonyoanyo.

1 TOMU-TOMUNDO' 10:25

Aha toto samian de aha toka mae ko anu nu boa mae nu aha o palasen nakon hi Salomo. Aha mombee'i to bala-balang salaka, mosoni', hude, toongon anu bau pahampate, santo lampa-lampa, ajahan ka' bagal. Sumo aijo'mo sataun toka sataun.

2 TAWARIKH 9:21

Manjoo' na kapan i Salomo anu toto daka-daka' talabut i ndalangon anu ewa hondo hingga-hinggat tiba to kapa-kapan i Tomundo Hiram. Toto totolu' na taun minsan mae na kapan haha aijo' minsusule' mae momboa mosoni', salaka, sae nu gaja, balan ka' tomonsi' merak.

ESTER 10:1

I tomundo' Ahasyweros nongatunmo pakalaja'an anu opakisa, misa ola hi to mia-mian anu i daerah-daerah sasu biwi nu ambai anu i uno nu kalaja'annyo, panyo suele i daerah-daerah anu majo'on na ambai.

MAZMUR 45:12

Handanyo nu beleyum nomposanangmo kinyonyoa i tomundo', ia tuan nu beleyum, hongo-hongo na ia.

MAZMUR 68:29

Tumpu nu belemiu montuntut kahosonan nu belemiu; o, Tumpu potatapmo mae hi kami apaa na anu binaumo nu Belento hi kami.

MAZMUR 68:30

To tomu-tomundo' momboamo palasombahan hi Belento, kiijo' i Laigan nu Belento i Yerusalem.

YESAYA 42:10

Nyanyiakonmo hi Tumpu na nyanyian anu salaje' ingajan, puji'mo na Ia, o, belemiu songko-songko na dunia! Pombuhokmo mae o, ndalangon ka' iwi-iwi' na anu jojoong i unonyo, lipu' anu toto jo'o-jo'on ka' iwi-iwi' na anu monjojoongi!

YESAYA 42:4

madi' bimbang kabai hentemo na kinyonyoa, sahingga ka adilan otoongimo i dunia aiya. Lipu' anu toto jo'o-jo'on mongindimo pangajalannyo.”

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YESAYA 43:6

Ku palentahmo na utara tiba salatan, da aha sampa opolapas. Sahanyo to ana-anak nu beleyum anu to momo ane minsusule'mo, mae lengkat itano' anu majo'on, ka' to ana-anak nu beleyum anu to bou-boune minsusule'mo mae lengkat iwi-iwi na pus nu tano'.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

YESAYA 60:9

Aijo'mo na to kapa-kapan anu tokamae balabu momboa mae mian anu palesayamo hi Tumpu anu ninsusule'mo mae lengkat i lipu' anu majo'on. Salaka tiba mosoni' suele binoanyo mae da bau pompuji' Tumpu nu beleyum, hi Tumpu Israel Anu Susi' hondo, anu mombau da mian-Nyo anu palesayamo hi Ia oholomati.

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.