MAZMUR 71:6 - KITAB NU TUMPU ALLA LELE MA'IMAI'

⁶ Sumo uukamo na kinopinno na aku tinumuu', aku ola saja' maninseha hi Belento; Belento nonjagaimo mae aku salatanmo pe'e aku i hampe, sahingga aku saja' mompuji' Belento.

MAZMUR 71:6 ပူးပေါင်းရင်းမြစ်များ

MAZMUR 22:11

Salatanmo pe'e aku i hampe, sisi'ku aiya kongko-kongkom i lima nu Belento, salatanmo pe'e i uno nu ma'alum nu tinangku, Belentomo na Tumpu-ngku.

MAZMUR 34:1

Mazmur i Daud, tempo'nyo ia nimpula-pulamo madi'mo noko ala binapikin i ahop i Abimelekh, sahingga ia ila'mo lantas ia nambamo.

MAZMUR 40:4

Ingajan-Nyomo na aku manyanyi nyanyian anu salaje' o'ajan, nyanyian bau pompuji' Tumpunto. Manjoo' na mian nontoa ka' nabuhukmo, lantas nompalesayamo Tumpu.

MAZMUR 71:14

Panyo aku na saja' ahi' montaha'imani Belento, ka' lebe saja'mo ahi' mompuji' Belento.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

YESAYA 49:1

Potombihing mae na aku, o, lipu' anu toto jo'o-jo'on opalahatikan na potataengku. Tumpu nolagamo aku ma'isa pe'e aku pinohampe, Ia nompile'imo aku daagi' pe'e i uno nu ma'alum.

YESAYA 49:5

Ma'isa pe'e aku ihampe, ilagamo nu Tumpu da timbalimo posaihon-Nyo, da momposihukmo aha mian nu Israel, da aha po ule'mo mae toka hi bele-Nyo. Tumpu nompojadimo aku da iholomatan Tumpu aijo'mo na bau kahosonanku.

YEREMIA 1:5

“Ma'isa pe'e Aku nontali' beleyum i uno nu ma'alum nu tina nu beleyum, ka' ma'isa pe'e beleyum ihampe, pinile'an-Kumo ka' ihangkat-Kumo na beleyum da bau nabi nu to bansa-bansa.”

YEREMIA 3:4

De beleyum nu tokaimo nu kasusa'an beleyum motataemo mae hi belengku, kooyum Aku tuuma nu beleyum, kooyum Aku mongkalibosi beleyum daagi' pe'e beleyum ise-ise'.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.