MAZMUR 71:22 - KITAB NU TUMPU ALLA LELE MA'IMAI'

²² Aku mompuji'mo Belento okuti'akon gambuus, kalana Belento manonong, o, Tumpungku. Aku monyanyiakonmo anu bau pompuji' Belento okuti'akon kasapi', o, Tumpu susi' na Israel.

MAZMUR 71:22 ပူးပေါင်းရင်းမြစ်များ

2 TOMU-TOMUNDO' 19:22

Beleyum nonsumbu'mo pa' ihe na inguda-udahanmo ka' pinopoambangmo nu beleyum aijo'? Akumo na Tumpu Allah nu Israel, Tumpu Allah anu Susi'! Kobubuun hondo na langkas nu beleyum hi belengku.

MAZMUR 138:2

Aku tinolodadupumo monsombahmo mo'ahop sasu i Laigan nu Belento anu susi', ka' nompuji'mo sanggo nu Belento kalana Belento manonong ka' saja' mongkalibosi. Belento talalo hondo mompentingkan anu jinanji'mo nu Belento molingkudui pikilan nu mian anu montutuhakon Belento.

MAZMUR 144:9

Aku monyanyiakon hi Belento, o, Tumpu nyanyian anu sala'je ingajan, ka' onyanyiakon na mongkuti' kasapi'.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

MAZMUR 33:2

Pontalimakaseh hi Tumpu okutiakon kasapi' manyanyimo bau pompuji' Ia ka' opakeakon musik.

MAZMUR 43:4

Sahingga aku mompanjolongimo mezbah nu Tumpu, mangadap hi Tumpu anu pinolengkatan mae nu ka'ima'an nu kantumuu'anku. Aku manyanyimo ka' mongkuti'mo kasapi', bau pompuji' Belento, O Tumpu, Tumpungku.

MAZMUR 56:4

Salatan aku nabuhukmo, aku nontaha'imanimo Belento.

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

MAZMUR 89:1

Nyanyian pangajalan i Etan, mian nu aha Ezrahi. Kanonongan nu Tumpu Anu Daka' na Kuasa-Nyo.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

MAZMUR 98:4

Lewa' otaligalai na Tumpu, o belemiu songko-songko na dunia! O puji' na Tumpu nu nyanyian ka' lewa' montaligala lame-lame'.

MAZMUR 98:5

Nyanyiakon na nyanyian bau pompuji' Tumpu, ka' okuti'akon kasapi'.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

YESAYA 5:24

Belemiu madi'mo montalima pangajalan nu Tumpu Anu Daka' na Kuasanyo ka' mongalumo palentah nu Tumpu anu susi' nu aha Israel. Kalana aijo' susumo hat tiba hemput anu manggasmo mo'angot na nu kaan nu apu, sampe toka kaiyong ibaka-bakatnyo na belemiu mahutakmo ka' mule' bunga-bunga nu belemiu suele manggasmo ka' nu puhakonmo nu mombun ingko-ingkot.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 60:9

Aijo'mo na to kapa-kapan anu tokamae balabu momboa mae mian anu palesayamo hi Tumpu anu ninsusule'mo mae lengkat i lipu' anu majo'on. Salaka tiba mosoni' suele binoanyo mae da bau pompuji' Tumpu nu beleyum, hi Tumpu Israel Anu Susi' hondo, anu mombau da mian-Nyo anu palesayamo hi Ia oholomati.

ROMA 15:8

Kalana, o inau', i Kristus nongajanmo mian nu Yahudi bau pomposumbu' saba' Tumpu madi' baleko' nongganapimo iwi-iwi' na janji'-Nyo hi mompolee'to.