MAZMUR 71:21 - KITAB NU TUMPU ALLA LELE MA'IMAI'

²¹ Belento po'ule'mo mompotimbali aku da lebe oholomati, ka' po'ule' mule' momposanang kinyonyoangku.

MAZMUR 71:21 ပူးပေါင်းရင်းမြစ်များ

2 SAMUEL 3:1

Anu monsangaja'i aha sampoto utusan mae i Saul tiba anu monsangaja'i aha sampoto utusan mae i Daud saja'mo nahampate. I Daud nompaka pahosonmo panyo aha sampo bali'nyo madi'mo kinokahosonan.

MAZMUR 18:35

Ia nompogulu'mo aku mahampate, sahingga aku moko alamo nompeletakon pana' anu talalo hondo mokut na o hela'.

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 32:10

Mian anu baladosa' saja' nu tokai mae nu kasansala'an; panyo mian anu saja' montaha'imani Tumpu tataap nu jagai nu kalibosan-Nyo.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 86:17

Bee'i mae tanda na aku, da pontoan taalu' Belento mongkanonongi ahi' mae aku, o, Tumpu da mian anu mongka'ideki mae aku, ma'ambangmo, de nutoamo mae nu aha na Belento montulungimo mae aku ka' mohase'mo mae aku.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 9:7

Tumpu nonabu'akonmo hukuman hi aha kalaja'an Israel.

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

2 KORINTUS 7:13

Mokonyo aijo' kinyonyoa kami sinanangmo. Misa' ola kalana sinanangmo, panyo kami nompaka binilahimo mule', kalana nontoamo kabilahian nu kinyonyoa i Titus; kinyonyoanyo sinanangmo kalana to Utu-utus iwi-iwi'.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

1 TESALONIKA 3:9

Palias na kodaka'nyo na kami montalima kase hi Tumpu, kalana iwi-iwi' na kalame'an anu ingoa'anmo mami i ahop-Nyo kalana komiu.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”