MAZMUR 71:20 - KITAB NU TUMPU ALLA LELE MA'IMAI'

²⁰ Belento nombee'imo mae aku manjoo' hondo na kasansala'an anu toto boa-boat, panyo Belento po'ule' mae mombee'i aku kahosonan ka' po'ule' mompotumuu' aku anu i lamunmo.

MAZMUR 71:20 ပူးပေါင်းရင်းမြစ်များ

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

MAZMUR 119:25

Aku nale'mo i abu'; po'ule'akon mae na kantumuu'anku susumo anu jinanji'mo nu Belento.

MAZMUR 138:7

Tempo'nyo aku tinokanmo nu kasusa'an Belento na sabole-boleh nontoongi kantumuu'anku. Belento na nongewa anu monsampobali' mae aku anu notomuhukmo ka' pinosalamatmo nu Belento na aku nu kuasa nu Belento.

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 60:3

Belento madi'mo mae nongkalinga kami o Tumpu, ka' ka' nompojohokmo mae kami da opatundu'mo. Belento nontambuha'imo mae kami; uuka aiya po'ule' pokopinahon mae nakami.

MAZMUR 60:5

Belento nompojohokmo mian anu palesayamo hi belento sahingga nonta'upmo kasansala'an anu maboat hondo; kami nahasulonanmo susumo mian anu nalangumo.

MAZMUR 80:18

Jagai mae na mian anu pinile'anmo nu Belento, anak nu manusia anu pinohosonmo, nu Belento da Belentomo na Tumpu-Nyo.

MAZMUR 85:6

Pa' sidu-sidutu'mo na belento montambuha'i mae kami, ka' sabole-bolemo motambuha' sampe molundu-lundu na tulunan?

MAZMUR 86:13

Kalana Belento saja' mongkalibosi aku, ka' kalibosan nu Belento tahahumo hondo; Belento nohangkatmo nyawangku da boli jojoong kaiyong i uno nu kubun.

MAZMUR 95:4

Ia mongkuasai bahagian anu toto leleeng aiya i dunia, bawonyo nu bungkutnyo iwi-iwi' suele Ia na tumpu-Nyo.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YUNUS 2:6

Aku binoanyomo i aluknyo nu dunia anu i aluknyo, Idunia anu tumbannyo ginunsingmo sampe toka sidu-sidutu'. Napasku madi'mo sawe' i unonu butongku, lantas aku tinolo inau'mo ka' notataemo hi Belento. Sahingga tinokamo na do'angku hi Belento, i uno nu Laigan nu Belento anu Susi'. Lantas ihangkatmo nu Belento na aku lengkat akaong mae i uno nu ambai, O Tumpungku!

MARKUS 15:34

Ka' i jam totolu'mo mamalom, i Yesus noloboo'mo hoso-hoson nu potatae, “Eloi, Eloi, lama sabakhtani?” anu alati'nyo, “O Tumpungku, Tumpungku, kadaka' Belento mompala'imo aku?”

SISIKON NU TO RASUL-RASUL 2:24

Panyo Tumpu po'ule' nompotumuu' Ia lengkat i totonga' nu to mia-mian mate. Ia kinona nu kapatean, panyo Tumpu na nolapasakon Ia, kalana madi' timbali Ia saja'mo nu kuasai nu kapatean.

EFESUS 4:9

Jadi, de otaloakon “Ia noliba'mo” alati'nyo Ia momonanyo nintau'mo tinoka i tampat anu talalo i aluknyo i dunia aiya.

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

1 SAMUEL 2:6

Tumpu mompatei, ka' mule' Ia mompotumuu' I dunia nu mian anu sinilakamo tinau akon-Nyomo na manusia. Ka' mule' Ia na mohangkat lengkat i kiijo'.