MAZMUR 71:19 - KITAB NU TUMPU ALLA LELE MA'IMAI'

¹⁹ O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

MAZMUR 71:19 ပူးပေါင်းရင်းမြစ်များ

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 139:6

Talalo hondo maleeng na ilimu' nu Belento aijo', madi'mo nupoko tokai nu pikilanku.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 36:7

Kanonongan nu Belento matunjo hondo sumo ko tangkasnyo nu bungkutnyo, ka' ka adinan nu Belento sumo koleengnyo nu ndalangon; manusia tiba binatang Belento na mompotuu' o Tumpu.

MAZMUR 57:10

O, Tumpu, aku montalima kasemo hi Belento, aijo' hi aha iwi-iwi' na bansa. Ku ka'ima'i na manyanyi bau pompuji' Belento aijo' hi aha manusia.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

MAZMUR 86:8

O, Tumpu, madi' ko tumpu sangga'at susumo Belento madi' ko anu moko ala mombau apa-apaa susumo anu binaumo nu belento.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

AMSAL 15:24

Mian anu pande montulu jalan anu mapindako anu mompanjolongi kantumuu'an; ka' misa jalan anu mintua anu mompanjolongi kasilakan.

AMSAL 24:7

Mian anu ponga' madi' moko ala monsumbu' kapandean bapikin. Ia madi' moko ala montaeakon apa-apaa de mian hau-haunyo mombisalakon hahan anu penting.

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 40:25

Ihe na nu anggap pokakana sumo Tumpu Anu Daka' na Kuasanyo? Ihe na bau pompokakanakonan nu beleyum Ia?

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 55:9

Sumo kotangkasnyo nu langit i buan nu tano' sumo atina'mo na kotangkasnyo nu pikilan-Ku molingkudui pikilan miu, ka' jalan-Ku molingkudui jalan nu belemiu.

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

LUKAS 1:49

Kalana Tumpu Anu Matangkas na Kuasa nombaumo anu to daka-daka' hi belengku. Susi' na sanggo-Nyo.

PO'ULE' INGULIT 3:24

O Tumpu Anu Matangkas na kuasanto, ku sumbu na anu pinotoamo nu belento hi belengku aiya sala'je tampu'unannyo nu palabuatan anu daka' ka' anu okabangangi apaa na anu saidi' mae obau nu Belento. Madi' ko pilogot sangga'at aita' i langit kabai aiya i dunia anu sumo Belento timbali moko ala mombau hahan anu daka'.