MAZMUR 71:16 - KITAB NU TUMPU ALLA LELE MA'IMAI'

¹⁶ Ku puji' na palabuatan nu Belento anu daka' hondo o Tumpu Allah, ku bebakon momoya na ka'adilan nu Belento, ola ka'adilan nu Belento.

MAZMUR 71:16 ပူးပေါင်းရင်းမြစ်များ

MAZMUR 106:2

Ihe na moko ala mombebakon kabaanian nu Tumpu, ka' anu konanyomo ahi' na bau pompuji' ia?

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 71:15

Sansina-sinaa ku sisikakon apa-apaa na palabuatan nu Belento anu adin, ka' kasalamatan anu lengkat mae hi anu madi'-Mo opoko ala obilang.

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

MAZMUR 71:2

Pobebasmo mae na aku, kalana Belento adin, potombihingakon mae na aku ka' posalamatakon mae na aku.

MAZMUR 71:24

Sansina-sinaa ku bebakon na ka'adilan nu Belento, kalana to mia-mian anu kahanda'mo monsilakai mae aku pinatundu'moka' pinopo'ambangmo.

YESAYA 26:13

Kami toho'mo kinuasan nu to tuan-tuan sangga'at, panyo ola-olamo ahi' Belento na anu o, akui mami, o, Tumpu mami!

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YESAYA 63:7

Aku kahanda'mo moleleakon kalibosan nu Tumpu ka' mompuji' Ia kalana palabuatan-Nyo. Molabi-labi na balakat-Nyo hi mian anu palesayamo hi Ia, kalana Ia talalo molibos ka' kalibosan-Nyo madi' kokamingkotannyo.

ZAKHARIA 10:12

Aku mompohosonmo mian anu palesayamo hi beleng-Ku, aha tulu-tulutanmo ka' monsombahmo Aku. Akumo, na Tumpuu anu notataemo.”

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 3:21

Panyo uuka aiya Tumpu nompotiju'mo jalan, mosia na mian mompaha ima' tiba Ia; ka' jalannyo aijo' madi' ko tuusanannyo tiba atulan nu agama Yahudi. Kitab-kitab i Musa tiba kitab-kitab nu to nabi-nabi memang nompoto'imo han aijo',

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

PO'ULE' INGULIT 33:25

O amalakon da iwi-iwi' na sabatan daka' anu tambaga ka' besak na binau bau kahosonan nu aha, da kantumuu'an nu aha madi' ko anu mompoposia.”

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

2 TESALONIKA 1:6

Ia mombaumo apaa na anu adin, ka' tionyo mombalosakonmo kasansala'an hi mian anu nonsansalamo komiu.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.