MAZMUR 7:8 - KITAB NU TUMPU ALLA LELE MA'IMAI'

⁸ Posihukmo na to bansa-bansa montikubi Belento ka' kuasaimo na aha lengkat mae atina' i kasuhangan nu Belento i suluga'.

MAZMUR 7:8 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

KAJADIAN 31:53

Tumpu Allah anu nusombah i Abraham ka' nonsombah nu tuumangku i Nahor na nongadini mae kita”. Lantas i Yakub binasumpa'mo hi sanggo nu Tumpu Allah anu nusombah i Ishak, tuumanyo, da sabole-boleh montoongi janji'nyo.

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 25:21

Ku amalakon da ka'ima'an ka' madi' tageo' na kinyonyoa saja' aiya i uno nu kantumuu'anku, kalana aku montaha'imani Belento.

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 26:11

Panyo kinyonyoangku hodi' hondo i uno nu kantumuu'anku, kalibosiakon mae na aku, ka' pobebasakonmo mae na aku.

MAZMUR 41:12

De maluanyo aku madi' nu pokala nu sampobali'ku, atina'je ka' kusumbu' taalu' Belento sanang ahi' mae hi belengku.

MAZMUR 43:1

Bee'i mae ka adinan hi belengku, o Tumpu, tinjohiakon mae na aku da madi' nu kabisa'i nu bansa anu geguan. Pobebas mae na aku da madi' nu patei nu mian anu ma'idek na kinyonyoa nu aha tiba anu saja' mongakali.

MAZMUR 78:72

I Daud nonjagaimo aha, kinyonyoanyo madi' lewa' nongakali ka' pande hondo na ia lewa' nompokinde'i.

MAZMUR 82:1

Mazmur i Asaf. Tumpu nompimpinmo sidang nu aha Tumpu kiita' i suluga, lantas Ia nompoto'imo kaputusan-Nyo:

MAZMUR 9:8

Tumpu mompalentah sampe toka sidu-sidutu'; Ia nompotinjomo kapalentahan-Nyo da oputusimo na dunia.

MAZMUR 96:13

Kalana Tumpu tokamo mae mompalentah i dunia, Ia momputusimo hukuman nu to bansa-bansa, adin ka' madi' tageo'.

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

AMSAL 19:1

Lebe ma'ima' mian kasiasi anu madi' tageo na kantumuu'annyo ka' de mule' ola mian ponga' anu mongka'ima'i baleko'.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.