MAZMUR 7:16 - KITAB NU TUMPU ALLA LELE MA'IMAI'

¹⁶ Ia nongkekemo bolo' da manabu' na mian sangga'at, panyo posi iamo ahi' na nanabu' i unonyo.

MAZMUR 7:16 ပူးပေါင်းရင်းမြစ်များ

1 TOMU-TOMUNDO' 2:32

Tumpu mohukummo ia, kalana ia nompateimo madi' pinai poto'inyo hi tuumangku. I Abner suludadu nu Israel anu matangkas na pangkatnyo, ka' i Amasa suludadu nu Yehuda anu matangkas na pangkatnyo, ua-ua'aha madi' ko sala'nyo. Aha na lebe ma'ima' molingkudui i Yoab, panyo pinateannyomo na aha.

1 TOMU-TOMUNDO' 21:19

ka' poto'i hi ia tukoong-Ku, Aku Tumpu mompoto'imo sumo uuka, 'Nompateimo, nongagoi mule'! Kalana aijo' baso' nu beleyum nu jila'imo nu dedeng i tampat pinonjila'ian nu dedeng baso' i Nabot!’ ”

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

ESTER 9:25

Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

AYUB 4:8

Aijo' ku sumbu' kalana saja'mo nontoa kalana mian anu mompajeko ale', nu han anu ma'idek, ka' monsa'u bine' anu monsaduakon mae balaa' kona hi batu nu sosu'anon, saidi' mae mongala bua'nyo aijo'mo kasilakan ka' kasusa'an!

MAZMUR 141:10

Bakas da posi so'o nu aha na mongkona aha, panyo o' amalakon da aku na salamat ahi'.

MAZMUR 35:8

Sahanyo aha nu tokai mae nu kasilaka'an anu madi' osangka-sangka. Sahanyo aha ohakop nu posi so'o nu aha lantas tombahangkangmo ka' silakamo.

MAZMUR 36:12

Boli opojohok na aku nu tumbuhimo mae nu mian anu buulon, kabai nu laa'mo nu mian anu ma'idek na palabuatannyo.

MAZMUR 36:4

Potataenyo saja' anu toto ide-idek ka' kaho potatae anu mongakali ia madi'mo daagi mombau anu ma'ima' ka' madi'mo montiho kalakuan nu mian anu pande.

MAZMUR 57:7

Anu monsampobali' mae aku nompokonamo so'o, bau ponso'onyo aku, ka' nompopobuhukmo da aku madi'mo moko ala mombau apa-apaa. Aha nongkekemo bolo' i jalan da bau panabu'anku, panyo posi ahamo na nanabu' i unonyo.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

AMSAL 26:27

Ihe na mongkeke bolo' da bau panabu'an nu mian sangga'at aijo' baumo panabu'annyo. Ihe na molingginakon batu da nu kona na mian sangga'at, posi ia na nu tuda' nu batu aijo'.

ANU MOMPOLELE POTATAE NU TUMPU 10:8

Ihe na mongkeke bolo' saidi' mae manabu' i unonyo, ihe na montumbalakon pagan mesen ia nu sa'u nu ulo anu ko bisa'nyo.

1 SAMUEL 23:9

Panyo sinumbu'mo i Daud na i Saul ko kahanda'mo ma'idek hi ia. Kalana aijo' pinoto'inyomo hi Imam Abyatar, “Boa mae na baju' nu imam itina' mo uuka mae.”

1 SAMUEL 26:10

I uno nu sanggo nu Tumpu anu tumuu' ku sumpa'akon saba' Tumpuje na mompatei i Saul de ukunnyo tokamo mae kabai de ia matemo i uno nu pahampatean.

1 SAMUEL 28:19

Beleyum tiba aha mian nu Israel nu bee'mo nu Tumpu hi aha mian nu Filistin. Dodop beleyum tiba to ana-anak nu beleyum anu to momo'ane sihukmo tiba aku; ka' mule' iwi-iwi' na suludadu nu Israel nu bee'mo nu Tumpu hi mian nu Filistin.”