MAZMUR 7:10 - KITAB NU TUMPU ALLA LELE MA'IMAI'

¹⁰ Bolimo opobee' na kalakuan nu mian anu ma'idek aijo'mo mian anu palagaga ka' pododoakon na kinyonyoa nu mian anu ma'ima' na kinyonyoanyo kalana Belento Tumpu anu adin, anu moko ala mongkiop hondo kinyonyoa nu mian ka' pikilan nu manusia.

MAZMUR 7:10 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

AYUB 8:6

De kinyonyoa nu beleyum totu-totu'u hodi', ka' madi' kopisala'nyo, Tumpu Allah sampa montulungi beleyum; ka' salaku balosnyo, auwan nu beleyum mompo'ule' ma'ima'.

MAZMUR 112:2

To ana-anaknyo na mongkuasaije lipu' aiya, lee' nu mian anu manonong obalakati.

MAZMUR 125:4

O, Tumpu, kanonongimo nu mian anu manonong hi mian anu hodi' na kinyonyoanyo.

MAZMUR 3:3

Manjo'mo na anu nompoto'i tukoonyo nu aha Tumpu madi'mo montulungi aku.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 89:18

Belento nompo'untungmo hondo kami mahampate, kalana samata-mata kanonongan nu Belento sahingga kami inguntungmo na nahampate.

AMSAL 11:20

Tumpu mongka'ideki mian anu ko kinyonyoa ma'idek; panyo Ia mongkalibosi mian anu kantumuu'annyo madi' ko anu opisala'i.

AMSAL 2:21

Kalana, mian anu tumuu' mombatuki pongka'oho' nu Tumpu Allah, aijo'mo na mian anu hodi' na kinyonyoanyo, ahamo na anu jojoong i lipu' anu jinanji'mo nu Tumpu.

AMSAL 28:18

Mian anu tumuu' madi' ko anu o'pisala'i kantumuu'annyo saidi mae ia salamat. Mian anu minggeo-geo' na kantumuu'annyo, saidi mae mohumpak balaa'.

YEREMIA 11:20

Lantas aku binalado'amo, “O Tumpu Anu Mahakuasa, Belento mian kopian anu adin hondo; Belento na monguji' pikilan ka' kinyonyoa nu mian. Palakalangku aiya nu asanakonmo hi Belento. Ku amalakon da aku daagi' ahi' monsakisi'i Belento mombalosakon palabuatan nu mian haha aijo'.”

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”