MAZMUR 69:7 - KITAB NU TUMPU ALLA LELE MA'IMAI'

⁷ Boli opojohok na aku dumo ola monsaduakon ma ambang na to mia-mian anu montaha'imani Belento, o, Tumpu, Tumpu Anu Daka na Kuasa-Nyo. Boli opojohok na aku dumo monsaduakon ola lewa' o alu ka' mule' opobau-bau na to mia-mian anu monsombah Belento, o, Tumpu Israel!

MAZMUR 69:7 ပူးပေါင်းရင်းမြစ်များ

MAZMUR 44:15

Pinotimbalimo nu Belento na kami anu saja' osindin nu bansa-bansa; aha sola'mo maha lilokan na ubak ka' mompopo ambangmo mae kami.

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YEREMIA 15:15

Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.