MAZMUR 69:13 - KITAB NU TUMPU ALLA LELE MA'IMAI'

¹³ Aku tinimbalimo mian anu lewa' osisik iyaya mae de sihukmo na mian, ka' mule' nyanyian nu to mia-mian anu lewa' malangu mongaku aku.

MAZMUR 69:13 ပူးပေါင်းရင်းမြစ်များ

KAJADIAN 24:27

Ia notatae, “Opuji' na Tumpu, Tumpu Allah nu tuanku i Abraham. Inyata'mo na Tumpu taalu' saja' ahi' mongganapi janji' ka' nanonongmo hi tuanku Abraham. Ia nolaya'mo aku lau-laus tinoka hi sampoto utusannyo.”

ESTER 5:2

Salatan i tomundo' nontoamo i Ester Bengkele'nyo tinjo-tinjo aijo' i sambiha'nyo, ia nolibosmo hi ia ka' nontangkakonmo tokonnyo moso-mosoni' nokiijo' hi Ester. Jadi nokiijo'mo na i Ester, ka' kinanyangnyo na pusnyo nu tokon aijo'.

ESTER 5:6

Salatan aha nonginumo anggur, pinokilawamo i tomundo, “Uuka poto'imo mae pa'apaa na nu kahanda'i. Maumo pa'apaa na nu poita ku bee'mo, maumo mintonga' na kalaja'anku!” Tinaaman i Ester,

ESTER 7:2

Hau-haunyo nonginumo anggur, i tomundo nompokilawa mule' hi Ester, “Yo mosia, Bengkele'ku, apaamo na anu nu kahanda'i? Poto'imo mae! Apaa na anu nupoita tionyo ku bee'mo, maumo anu nu poita aijo' mintonga' na kalaja'anku.”

MAZMUR 32:6

Kalana aijo' batu-batu mian anu bala'iman tionyo ahi' balado'a de nu tokaimo mae nu kasusa'an sahingga de maluanyo iaba' nu kasusa'an tokamo mae ia na madi' ahi' nu anjuhakon.

MAZMUR 51:1

Anu mongkapalai panyanyi. Mazmur kalangan i Daud

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

MAZMUR 98:3

Ia nonginau'mo kalibosan ka' kanonongan-Nyo, hi Israel, hi mian anu palesayamo hi ia. Iwi-iwi' na bansa, i songko-songko na dunia nontoamo ka'untungan nu Tumpunto nahampate.

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

MOHAANGI 3:63

Lengkat pe'e subu sampe pihi, binaumo nu aha na aku anu lewa' okokojoi.

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

2 KORINTUS 6:2

I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.

1 SAMUEL 25:8

Soba pokilawa hi aha tantu nu pototu'uje nu aha. Kalana aijo' ku kakaase da suludadungku timbali otalima na toka i laigan nu belento boli opoposia kalana kakona i sinaa daka' aiya na kami tinoka mae aiya. Bee'i mae na to posa-posaihon nu belento aiya ka' suele hi belengku, i Daud, sangalu nu belento anu mompahakona hondo tiba belento, yayamo pa' apaa na anu ohalala'akon mae nu belento.”