MAZMUR 68:7 - KITAB NU TUMPU ALLA LELE MA'IMAI'

⁷ Tumpu mombee'i tampat kajojoongan nu mian anu madi' mo lame'; Ia nompobebasmo mian anu tinalungku'mo sahingga aha nongoa'imo kasanangan. Panyo to mia-mian anu madi' mohongo-hongo Tumpu na jojoongmo ahi' i tano' anu kinunmo.

MAZMUR 68:7 ပူးပေါင်းရင်းမြစ်များ

MAZMUR 107:34

Tano' anu molumba' pinotimbali-Nyomo tampat padang anu napoyu'mo nu timuson, kalana palabuatan ma'idek nu to mia-mian anu jinojoong ikiijo'.

MAZMUR 146:7

Ia na montinjohi hak nu to mia-mian anu pinosakisamo ka' mombee'i mongkaan mian anu no'ohopmo. Tumpu mompobebasmo to mia-mian anu tinalungku'mo,

NOSABATMO 13:21

De sinaa Tumpu lumajang momona i ahop nu aha nu hohungi nu kundom, ka' de pihimo Ia na mamba momona aijo' hi aha i jingka apu mompotiju' jalan. Sahingga aha timbali lumajang sinaa ka' pihi.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

MIKHA 2:13

Ku buka'mo na jalan ka' momboamo belemiu mosabat lengkat i tampat pinomboan ka' pinompojoongan belemiu. Opaha sulakonmo nu belemiu na tumban nu sabatan daka' ka' belemiu bebasmo na mamba. Akumo na Tumpu, aiyamo na Tomundo' nu belemiu ka' mule' Akumo na polaya' nu belemiu mosabat.”

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

TO MIA-MIAN KOPIAN 4:14

Lantas notataemo na i Debora hi Barak, “Donganmo, tumbuhi! Tumpu na molaya' belemiu. Sinaa aiya Ia mompo'untungmo belemiu mahampate mongewa i Sisera.” Sahingga nintatau'mo mae na i Barak lengkat mae i Bungkutnyo nu Tabor hingga-hinggat tiba aha sampulu' na madala na miannyo.

TO MIA-MIAN KOPIAN 5:4

Tempo'nyo belento nambamo lengkat mae i Seir, o Tumpu, ka' da'erah nu Edom pinala'ianmo mae nu belento dunia ginayu'anmo, got nu uee anu kiita' i langit nolosutmo, ka' kundom nombulakakonmo ueenyo.