MAZMUR 68:4 - KITAB NU TUMPU ALLA LELE MA'IMAI'

⁴ Panyo mian anu palesayamo totu-totu'u na bilahimo ahi' ka' lame'mo, aha lewa'mo montaligalai i ahop nu Tumpu kalana sinanangmo.

MAZMUR 68:4 ပူးပေါင်းရင်းမြစ်များ

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 18:10

Langit biniha'-Nyomo lantas nintatau'mo mae na Ia kundom anu pinikatmo na akaong i aluk nu tengke-Nyo. Nontau'akon Ia.

MAZMUR 5:12

O'amalakon da iwi-iwi' na mian anu mihohung hi Belento mohumpak kabilahian ka' lewa' montaligalai sampe toka sidu-sidutu'. Jagaiakon na to mia-mian anu mongka'ima'i Belento da aha saja' mongoa'i kalame'an kalana Belento.

MAZMUR 66:2

Panyanyimo ka' popodaka' na sanggo-Nyo, oholomati na Ia nu nyanyian anu bau pompuji-puji'.

MAZMUR 66:4

Songko-songko na dunia tinolodupumo nonsombah Belento, aha nanyanyimo nompuji' sanggo nu Belento.”

MAZMUR 67:4

O'amalakon da iwiiwi' na bansa mompuji' Belento o Tumpu, o'amalakon da iwi-iwi' na bansa monsumbu' montalima kaseh hi Belento.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

NOSABATMO 6:3

Aku suele nombaumo palajanjian tiba aha. Aku binalajanji'mo, Ku bee'mo na lipu' Kana'an hi aha, lipu' tampat kinajojoongan nu aha naipuan mae tinumuu' salaku mian anu i salipu'an.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

AMSAL 10:28

Anu nu taha imani nu mian anu manonong na kinyonyoanyo mompotimbali ia sanang na kinyonyoanyo; anu nu taha imani nu mian anu ma'idek na kinyonyoanyo madi'mo ko apa-apaa anu nu humpak.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 40:3

Daagi' ko potatae anu lewa' nontaloakon, “Posadia na jalan ipadang tampat anu mateges da bau kajalanan nu Tumpu. Pohodi' na jalan daka' ipadang tampat anu loas da bau kajalanan nu Tumpunto!

YESAYA 62:10

Mian anu jojoong i Yerusalem, posabatmo mae motulu i sabatan daka' posadiakon na jalan hi aha to mia-mian anu minsusule'mo. Baumo na jalan daka', alinakon na batunyo, potinjo na to bande-bandela' nu to bansa-bansa.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.