MAZMUR 68:31 - KITAB NU TUMPU ALLA LELE MA'IMAI'

³¹ O, segai na Mesir, binatang anu mahangas aijo' i uno nu biho'. Pokinde'i na to bansa-bansa, sapi' sanggombu haha aijo' tiba to ana-anaknyo, anu ola lewa' mompahampeja'akon sa'angu' ka' sa'angu' da mohumpak salaka. Tumpu nomposung kehetmo ka' nongga'at-ga'atmo iwi-iwi' na bansa anu mongka'ima'i mahampate.

MAZMUR 68:31 ပူးပေါင်းရင်းမြစ်များ

1 TOMU-TOMUNDO' 8:22

Lapas aijo' i ahop nu mian da'isan anu tinokamo, i Salomo tinuminjomo nongahopi mezbah lantas nohangkatmo ua-uambiha' na limanyo,

MAZMUR 143:6

Aku balado'a hi Belento lima opotala; sumomo tano' anu notiismo, santuu'ku nongindimo Belento.

MAZMUR 44:20

Panyo pinala'ianmo nu Belento na kami i uno nu pikat; kami madi'mo noko ala gawe hi binatang anu mahangas.

MAZMUR 88:9

To mia-mian anu mompahasumbu' tiba aku pinojo'onmo nu Belento hi belengku, ka' pinotimbalimo nu Belento na aku da mompobubun nganga' nu aha. Aku pinojoongmo nu aha kiijo' i unonyo ka' madi'mo noko ala nosabat,

YESAYA 45:14

Tumpu notataemo hi Israel, “Alamo na hasin nu tano' Mesir tiba kauntungan nu aha Sudan. Aha to mia-mian nu Syeba anu toto hoso-hoson, belemiumo, na tumpunyo; aha lumajang aitu mae ihiku nu belemiu hau-haunyo pinungumo nu lante' besak. Aha tolodadupumo ka' mongakuimo, ‘Tumpu totu-totu'u daagi' ko anu atina' hi belemiu; madi' ko tumpu sanga'at ola ahi' Ia aijo'!

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

ZEFANYA 3:10

Ka' mule' lengkat mae i Sudan anu majo'on mian-Ku anu pinalesayamo anu noga'a-ga'atmo saidi' mae tokamo ka' monsombahkonmo koloban hi beleng-Ku.