MAZMUR 68:28 - KITAB NU TUMPU ALLA LELE MA'IMAI'

²⁸ Benyamin tulunan mae nu bansa anu sangkiding hondo na miannyo ia ilumajang namba momona, lantas tinuntunanmo nu to pola-polaya' nu aha Yehuda, ka' aitu mae montuntuni to pola-polaya' nu aha Zebulon tiba Naftali.

MAZMUR 68:28 ပူးပေါင်းရင်းမြစ်များ

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

MAZMUR 44:4

Tano' aijo' madi' pino ago nu aha nonggunakon bajak misa' ola posi kahosonan nu butong nu aha sahingga aha inguntungmo na nahampate, panyo kalana kakuasa'an tiba jingka salaku tanda daagi' ko Belento hi aha kalana Belento na sanang ahi' hi mian anu palesayamo hi Belento.

MAZMUR 71:3

Potimbalimo mae susumo bungkutnyo nu batu na belento da bau pihohunganku, anu dengke, na saja' ku poko ala ku sahak. Kalana Belento nontantukanmo momposalamat aku, Belentomo na bau pihohunganku ka' pingkonganku.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

2 TESALONIKA 1:11

Mokonyo aijo' kami saja' mondo'akon komiu. Kami balado'a da Tumpu mompotimbali komiu moko ala tumuu' mombatuki pongka'oho'-Nyo, kalana makisut aijo' sahingga Ia nolagamo komiu. O amalakon da Tumpu mongkuasai komiu mombatuki pongka'oho'nyo da mombau anu ma'ima' ka' mompokopiani iwi-iwi' na kalajanyo anu binaumo miu kalana pinalesayamo hi Kristus.

TO MIA-MIAN KOPIAN 4:10

Ka' i Barak nomboamo tulunan nu bansa Zebulon tiba Naftali namba i Kedes. Anu nombatuki i Barak tiba i Debora tempo'nyo aitu 10.000 na mian.

1 SAMUEL 9:21

Tinaaman i Saul, “Aku aiya tulunan mae nu aha bansa Benyamin, tulunan nu bansa anu sangkiding hondo hi aha Israel ka' mule' to utu-utuskumo na anu madi' hondo ko alati'nyo hi aha tulunan nu bansa aijo'. Jadi kadaka' kita Tuuma motataemo sumo itina' hi belengku?”