MAZMUR 68:18 - KITAB NU TUMPU ALLA LELE MA'IMAI'

¹⁸ Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

MAZMUR 68:18 ပူးပေါင်းရင်းမြစ်များ

2 TAWARIKH 6:18

Panyo, o Tumpu Allah, pa' totu-totu'u ahi' na belento sanang na jojoong i dunia aiya hi kami manusia? Langit iwi-iwi' ma di' sukup na ko ewanyo bau kajojoongan nu Belento, ka' aiyaje laigan anu kuba-kubau aiya ponsomban belento tantu lebe madi' sukup!

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 24:3

Ihe na moko ala mindako i Bungkutnyo nu Tumpu, ka' minsoop i uno nu Laigan-Nyo?

MAZMUR 47:5

Ia nompile'iakonmo mae tano' bau baginto da bau pusaka'to, da bau katalasanggoan nu bansa anu Nu kalibosi.

MAZMUR 7:7

Tinjomo ka' potambuha'mo mae na Belento, o Tumpu, ka' ewamo na to mia-mian anu mongewamo mae aku. Tinjomo ka' tulungimo mae na aku, kalana Belento montuntut ka'adilan.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

MARKUS 16:9

Salatan i Yesus po'ule'mo tinumuu' i kasilakaannyo daagi' subu-subu sinaa nu Duminggu, Ia momoonanyo nompotoa butong-Nyo hi Maria Magdalena. (Hi Maria aijo' toho' i Yesus nonsabatakon popitu' na roh ma'idek.) To boboune haha aijo' nambamo hi Petrus tiba hi to sanga-sangalunyo, lantas nonsisikakon kodo-kodo' iwi-iwi' apaa na anu noko poto'imo hi aha nu olitau aijo'.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

LUKAS 24:51

Hau-haunyo Ia nombaumo sumo aijo', tinolohangkatmo na Ia nokiita' i suluga', lantas noga'atmo ka' aha.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 9:17

Sahingga i Ananias namba i laigan aijo' ka' nompotiik limanyo i buan nu ubak i Saulus. “Utusku Saulus,” koonyo i Ananias, “Tumpu Yesus anu tinoa nu kita Utus i totonga' nu jalan tempo'nyo kita Utus mo'ukamo mae, Iamo na nonsai mae aku toka da kita Utus timbali moko ala montoa mule' ka' nu kuasai nu Roh nu Tumpu.”

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 33:2

“Tumpu tinoka lengkat mae i Bungkut nu Sinai; Ia binete' mae aita' i Edom susumo batu nu sinaa ka' lengkat mae i Bungkutnyo nu Paran Ia nonjingkaimo mian anu pinalesayamo hi Ia. Ia sinangaluan mae nu malaekat aha sampulu' na madala; ka' apu moak i sasu koanan-Nyo.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 4:14

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

IBRANI 6:20

I Yesus nombuka'mo jalan mamba i tampat aijo' bau kajalananto ka' ninsoopmo nokiita' binaumo Imam Daka'to sampe toka sidu-sidutu', susumo i Imam Melkisedek.

IBRANI 8:1

Pinolengkatan nu anu sinisik iwi-iwi' aiya atina'mo: Kita daagi' ko Imam Daka' anu sumo aijo', anu sumuhang mompalentah hingga-hinggat tiba Tumpu Anu Matangkas na kuasanyo kiita' i suluga'.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

TO MIA-MIAN KOPIAN 5:12

Tinjomo Debora, ka' panyanyimo. Tinjomo Barak, boamo na anu tinalungku'!