MAZMUR 68:10 - KITAB NU TUMPU ALLA LELE MA'IMAI'

¹⁰ Ujan nolabi-labimo na tinudunakon mae nu Belento, ka' po'ule'mo nompa'omuk tano' nu Belento anu kinunmo.

MAZMUR 68:10 ပူးပေါင်းရင်းမြစ်များ

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

MAZMUR 65:10

Tano' aitu Belento na mongkalesang ka' Belento na nombee'i mae ujan, pinotimbalimo nu Belento da na'omuk sahingga hasinnyo manjoo' hondo. Iwi-iwi' na kaunyo pinobuke'an nu Belento nu uee, tinoukanmo nu Belento gandum na aha, ya, sumo aijo'mo na Belento nompotoukai.

MAZMUR 65:11

Belento nompojalanimo uee i kinatuluan nu pajekonyo, ka' i humpisan-Nyomo na tano' anu ma'isa nohibu. Belento nongujanimo mae sahingga tano' madi'mo bineleng, ka' sosu'anon anu sala'je mae tumuu' pinolumba'akonmo nu Belento na tinumuu'.

MAZMUR 65:9

Iwi-iwi' na anu jojoong i dunia aiya nabuhukmo ka' no holomatimo kalana nontoamo apa-apaa na anu binaumo nu Belento anu madi' hondo kogampanyo. Songko-songko na dunia lengkat mae i puusnyo sa'angu' toka-toka i puusnyo sa'angu', pinolame'mo nu Belento ka' lewa'mo nontaligalai.

MAZMUR 74:19

Boli mombee' mian anu palesayamo hi Belento anu madi'mo moko ala mombau apa-apaa i lima nu mian anu monsampobali' mae, anu tala-talalomo hondo sininggi. Boli sampemo toka sidu-sidutu' na mongkolilimi mae kantumuu'an nu mian anu palesayamo hi Belento anu nonta'aupmo kasusa'an aiya.

MAZMUR 78:20

Memang Ia nonsapahimo bungkutnyo nu batu anu mokut hondo, sahingga uee no'ilimo mabohos hondo. Panyo Nupoko ala ahi' suele montoukai roti ka' mombee'i antok nu binatang hi mian anu palesayamo hi Ia?”

YESAYA 40:29

Ia mompohoson mian anu nalawemo, mongkakeha'i mian anu madi'mo moko ala mombau apa-apaa.

NOMBILANGMO 16:3

Aha hingga-hinggat nambamo nangadap hi Musa ka' hi Harun ka notatae, “Sukupmo aijo', Musa! Iwi-iwi' na aha mian Israel samata-mata baumo kapalaluan nu Tumpu, ka' Tumpu daagi'mo aiya hi kita iwi-iwi'. Panyo kadaka' beleyum monsangkamo butong nu beleyum lebe ko angga'nyo molingkudui mian anu pinalesayamo hi Tumpu?”

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

LUKAS 1:53

Mian mo'ohop pinopuas-Nyo nu iwi-iwi' na ka'ima'an, mian kaya i laa'akon tiba madi' ko apa-apaa.

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.

1 PETRUS 5:3

Boli mompalentah sumo anu mongkuasai aha anu pinalesayakonmo hi komiu, panyo timbali ahi' sonto' hi aha.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.