MAZMUR 66:3 - KITAB NU TUMPU ALLA LELE MA'IMAI'

³ Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 66:3 ပူးပေါင်းရင်းမြစ်များ

MAZMUR 18:44

Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

MAZMUR 18:45

To mia-mian anu lengkat mae i salipu'an mongkabuhuk hondo aku ka' tulu-tulutan hondo de mohongomo palentahgku.

MAZMUR 47:2

Pohapa'i lima lame-lame', o iwi-iwi' na bansa! Opuji' na Tumpu ka' pontaligalai!

MAZMUR 65:5

Mohumpakmo ka'ima'an na kantumuu'an nu mian anu pinile'anmo nu Belento ka' anu ilagamo nu Belento da jojoongmo i laigan nu Belento. Kami nu osaimo nu anu toto ima-ima' iwi-iwi' i Laigan nu Belento, kajo-kajojoongan nu Belento anu susi'.

MAZMUR 68:30

To tomu-tomundo' momboamo palasombahan hi Belento, kiijo' i Laigan nu Belento i Yerusalem.

MAZMUR 76:12

Ganapimo na anu jinanji'mo hi beleyum hi Tumpu nu beleyum. Tionyo ahi' iwi-iwi' na bansa anu ohani na kajojoongannyo momboamo palasombahannyo hi Tumpu anu okabuhuk.

MAZMUR 81:15

saba' aku sampamo lia-lia' mompatundu' sampobali' nu aha, ka' mompokalahmo iwi-iwi' na anu mongewa aha.

NOSABATMO 15:21

I Miryam nonyanyi imo aha, “Panyanyimo bau pompuji' Tumpu kalana Ia nohungku'imo ka' binilahimo. Iwi-iwi' na ajahan ka' anu monsake'i ingalinnyomo nokaiyong i ambai.”

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YESAYA 25:3

Belento nu puji'mo nu to bansa-bansa anu toto hoso-hoson, ka' okabuhukmo iyaya mae na kota' nu to bansa-bansa anu buhingison.

YESAYA 40:26

Sinda mokiita' ilangit ka' soba palahatikan! Ihe na nompotimbalimo iwi-iwi na mandala'? Ia na anu nongatunmo aha susumo gombuan nu suludadu, Nu sumbu' na konjoo'nyo nu aha iwi-iwi' ka' molaga totosamian sanggo nu aha. Madi' ko samian pe'e na nolapus, kalana kakuasa'an nu Tumpu daka' hondo.

YESAYA 64:3

Belento toho'mo nombau palabuatan anu opalias hondo anu madi' sinangka-sangka mami, Belento nintatau'mo mae ka' i ahop nu Belento iwi-iwi na bungkutnyo ginayu'anmo.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (