MAZMUR 66:2 - KITAB NU TUMPU ALLA LELE MA'IMAI'

² Panyanyimo ka' popodaka' na sanggo-Nyo, oholomati na Ia nu nyanyian anu bau pompuji-puji'.

MAZMUR 66:2 ပူးပေါင်းရင်းမြစ်များ

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 106:2

Ihe na moko ala mombebakon kabaanian nu Tumpu, ka' anu konanyomo ahi' na bau pompuji' ia?

MAZMUR 107:15

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 107:22

Sahanyo aha montalima kaseh ka' momboa anu osombahkon, ka' mule' mombebakon apa-apaa na anu binau-Nyomo, olaguakon nu nyanyian anu bilahi.

MAZMUR 68:33

Panyanyimo sombahkon hi Tumpu, o, iwi-iwi' na kalaja'an, o, nyanyi na bau pompuji'-puji' Tumpu,

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

YESAYA 42:12

Sahanyo aha mongholomatimo Tumpu, ka' mompolelemo Ia iwi-iwi na lipu' anu toto jo'o-jo'on.

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

ANU PINOTO'I HI YOHANES 5:13

Lantas aku nohongomo iwi-iwi' na malaikat i langit, i dunia, i aluk nu dunia ka' i uno nu ambai – pende'nyo iwi-iwi' na malaikat i songko-songko na dunia aiya – nanyanyimo, “Ia anu sinumuhang i kasuhangan aijo', ka' Anak nu Domba anu Opopodaka' aijo', atina'mo na o puji', ka' o adati ka' anu talasanggo ka' mongkuasai sampe toka sidu-sidutu'!”