MAZMUR 65:6 - KITAB NU TUMPU ALLA LELE MA'IMAI'

⁶ Belento nontaamimo mae kami ka' nombee'imo mae kami da inguntungmo na nahampate, binaumo nu Belento na hahan anu okabangangi kahanda' momposalamat kami. Belento na kataha'imanan nu bansa iwi-iwi' toka-toka i ndalangon anu najo'onmo.

MAZMUR 65:6 ပူးပေါင်းရင်းမြစ်များ

MAZMUR 119:90

Kanonongan nu Belento madi' ko ka'ahenannyo sidu-sidutu', Belento na nompotinjo tano' sahingga sabole-boleh daagi'.

MAZMUR 24:2

Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 51:9

Tinjomo mae o, Tumpu, ka' tulungi mae na kami, posalamatakon mae na kami nu kuasa nu Belento, Tinjomo mae susumo naipuan mae tempo'nyo Belento nompohintutumo i Rahab ka' nonjalo'mo ulo daka-daka' nu ambai aijo' sampe inate.

YESAYA 63:1

“Ihe na ia anu tinokamo lengka mae i Bozra daerah Edom? baju'nyo momea', pakeannyo ma'ima' hondo, ia lumajang anggasan ka' mule' tagap.” “Akumo na Tumpu anu moko ala momposalamat ka' toka mae momboa lele nu kamangan.”

MIKHA 6:2

O, to bungku-bungkutnyo, o, to lana-lananyo nu dunia, hongo na Tumpu mongkalakmo! Ia ko palakala hi aha Israel mian-Nyo anu palesayamo ka' montuntutmo aha.

HABAKUK 3:6

De Belento madi'mo lumajang dunia gayu'anmo, de Belento montonto'imo to bansa-bansa tasigalamo. Iwi-iwi na bungkutnyo anu salatanmo pe'e dunia aiya mobiha-biha'mo; to puge-puge' anu memang tinatapmo i tampatnyo hede'mo, i puge'nyomo haha aijo'; na kinalajangan nu Belento daagi pe'e naipuan mae.

1 SAMUEL 2:4

Pompelet nu mian anu baani nopato'mo, panyo mian anu madi' mahoson nompaka pahosonmo.