MAZMUR 65:5 - KITAB NU TUMPU ALLA LELE MA'IMAI'

⁵ Mohumpakmo ka'ima'an na kantumuu'an nu mian anu pinile'anmo nu Belento ka' anu ilagamo nu Belento da jojoongmo i laigan nu Belento. Kami nu osaimo nu anu toto ima-ima' iwi-iwi' i Laigan nu Belento, kajo-kajojoongan nu Belento anu susi'.

MAZMUR 65:5 ပူးပေါင်းရင်းမြစ်များ

MAZMUR 107:23

Daagi' mule' ko anu motulu i ambai sumake' kapan, molio anu okaan i ambai anu ewa hondo.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

MAZMUR 66:3

Taloakon hi Tumpu, “Totu-totu'u okabangangi hondo na anu binaumo nu Belento! Anu monsampobali' tinundu'mo hi Belento ka' talalomo hondo nabuhuk kalana daka' hondo na kakuasa'an nu Belento.

MAZMUR 84:5

Totu-totu'u mohumpak ka'ima'an na mian anu jojoong i laigan nu Belento, ka' saja' monyanyi, nyanyian anu bau pompuji' Belento.

MAZMUR 85:4

Aha madi'mo tinambuha'an nu Belento; tambuha' nu Belento anu taha-tahahumo po'ule'mo ingampunan nu Belento.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 51:5

Kasalamatan anu Ku bee'mo ingohanimo, tempo'nyo nu kamanangan-Ku malia'mo mae toka. Akumo ahi' na mompalentah to bansa-bansa. Lipu' anu toto jo'o-jo'on saja'mo montanda'i Aku ka' montaha'imanimo palabuatan-Ku anu daka' hondo.

YESAYA 60:5

Belemiu nontoa aijo', bangangmo ka' ohup nu beleyum lame'mo; beleyum sanangmo na kinyonyoa bilahimo. Halata' nu to bansa-bansa oboamo hi belemiu, kakaya'an anu lengkat mae i santoa nu ambai manjoo'mo atina' hi belemiu.

YESAYA 66:19

Aku mompo'una'mo sa'angu' na tanda aijo' hi aha. Madi' manjoo' na anu aijo' hi aha na anu Ku posalamat. Aha Kusai mamba hi to bansa-bansa, ilipu' anu toto jo'o-jo'on, anu ma'isa toho' nohongo lele mongkona Aku kabai nontoa katalasanggoan tiba kuasang-Ku: mamba i Spanyol, i Libia, tiba i Lidia tiba anu to pande-pande na mompana', mamba i Tubal, tiba i Yunani. Aha saidi' mae mombebakonmo katalasanggoan-Ku i bansa haha aijo'.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.

HAGAI 2:23

I sinaa aijo' beleyum Zerubabel posaihon-Ku, Ku hangkatmo da mompalentah atas sanggong-Ku. Saba' beleyum na anu pinile'an-Kumo.” Tumpu Anu Daka Na Kuasanyo na notataemo. 1

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

ANU PINOTO'I HI YOHANES 16:5

Aku nohongomo malaikat anu mongkuasai uee notatae, “Hukuman anu binee'mo nu Belento atina' adin, memang Talalo hondo sisi', Tumpu anu daagi' ka' anu polo-polo'mo daagi'!