MAZMUR 65:4 - KITAB NU TUMPU ALLA LELE MA'IMAI'

⁴ Dosa'ku iwi-iwi' naboatmo hondo hi belengku, panyo ingampunanmo nu Belento.

MAZMUR 65:4 ပူးပေါင်းရင်းမြစ်များ

2 TAWARIKH 6:39

Jadi' kiita' mae i kajojoongan nu Belento i suluga' tionyo ahi' opotombihingakon mae na do'a nu aha ka' okalibosiakon na aha. Ampuniakon na dosa' iwi-iwi' nu mian anu pinalesayamo hi belento.

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 15:1

Tumpu, ihe na timbali jojoong sasaingoni' i Kemah nu Belento ka' jojoongi bungkutnyo nu Belento anu susi'.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 23:6

Ku sumbu' na Belento manonong hondo mae hi belengku, ka' saja' mongkalibosi aku. Sahingga aku timbali jojoong i laigan nu Belento, tempo'nyo aku daagi' tutuu'.

MAZMUR 24:7

Po'ewa na montuhea'akon sabatan daka' anu pini-pininmo, da minsoopmo na Tomundo' anu talasanggo aijo'.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

MAZMUR 36:8

Talalo ahi' koangga'nyo na kalibosan nu Belento o Tumpu, manusia mihohung i uno nu hohung nu polipik nu Belento.

MAZMUR 38:5

Aku nolomosmo i uno nu iaba' kasala'anku, dosa'ku talalomo ahi' nompiboati mae aku.

MAZMUR 4:3

O to mia-mian, daagi' sangkuka na kopinnyo na belemiu mongambangi Tumpu-ngku? Toka hipian na kopinnyo na belemiu mongka'ima'i anu madi' mingkaliangan ka' pagalamo molio anu madi' totu'u?

MAZMUR 63:5

Sansina-sinaa i uno nu kantumuu'anku, aku montalima kaseh hi Belento; ku hangkat na limangku mokiita' hi Belento ka' balado'a.

MAZMUR 84:4

Ka' mule' tomonsi' toto ise-ise binee'anmo laigan ka' tomonsi petajuk suele binee'anmo sa'angu' na peta, bau pompojoongan nu aha soma'nyo koko mezbah nu Belento, O, Tumpu Anu Daka' na Kuasanyo, Tomundo'ku ka' Tumpu-ngku.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.