MAZMUR 65:13 - KITAB NU TUMPU ALLA LELE MA'IMAI'

¹³ Tampat anu mateges nanjoo'mo na mee'nyo tiba dombanyo, iwi-iwi' na puge'nyo lame'mo.

MAZMUR 65:13 ပူးပေါင်းရင်းမြစ်များ

AYUB 36:31

Sumo aijo' na Ia mompotuu' to bansa-bansa, ka' mombee'i aha anu o kaan molabi-labi.

MAZMUR 144:13

O'amalakon da alangto iwi-iwi' mobuke'mo nu isinyo, mongangahan na isinyo nu ale'. O'amalakon da dombanto iwi-iwi' anu kiijo' mae i tampat padang, minganakmo sampe mopulu-pulu'mo na madala na konjo'nyo.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 44:23

Pontaligalaimo lame-lame' o, langit pontaligalimo hoso-hoson o, anu i uno nu tano'! Pontaligalaimo lame-lame o, to bungku-bungkutnyo! ka' suele alas ka' mule toto sa'angu' na kau' anu kiijo' i alas! Kalana Tumpu nompotoamo kakuasa'an-Nyo anu daka' hondo, aijo'mo ia nomposalamatmo mian anu palesayamo hi Ia.

YESAYA 49:13

Panyanyimo o, langit, pontaligalaimo o, tano' o, to bungku-bungkutnyo, pontaligalaimo lame-lame'! Kalana Tumpu tokamo mae mohase mian anu palesayamo hi Ia, Ia mongkalibosimo mian anu palesayamo hi Ia, anu sinansalamo.

YESAYA 52:9

Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YEREMIA 48:33

Taligala nu lame' imadi'anmo ilipu' nu Moab anu ma'omuk hondo aijo'. Ku pobelentimo na anggur mo ili lengkat mae ipakakas pompao'an anggur; madi'mo daagi' ko mian anu mombau anggur ka' montaligalaimo kalana lame'mo.

YOËL 2:22

O to bina-binatang boli gago' na kinyonyoa. To pada-padang hemput uuka aiya nolumba'mo. Talalomo hondo nahampe na bua'nyo nu to kau-kau' bua'nyo nu anggur tiba ara nolabi-labimo.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”