MAZMUR 65:11 - KITAB NU TUMPU ALLA LELE MA'IMAI'

¹¹ Belento nompojalanimo uee i kinatuluan nu pajekonyo, ka' i humpisan-Nyomo na tano' anu ma'isa nohibu. Belento nongujanimo mae sahingga tano' madi'mo bineleng, ka' sosu'anon anu sala'je mae tumuu' pinolumba'akonmo nu Belento na tinumuu'.

MAZMUR 65:11 ပူးပေါင်းရင်းမြစ်များ

AYUB 36:28

Ia na nombulok ka kon ujan lengkat mae aita' i talise', dinudu'akon-Nyomo nokaiyong hi manusia.

AYUB 5:10

Ia nontudunakonmo mae ujan i dunia aiya, sahingga ale' ka' padang i humpismo na dinudu'an-Nyo.

MAZMUR 103:4

ia na anu nompobebasmo nyawa nu beleyum da nosabatmo mae i uno nu kubulan, anu talalomo hondo nongkalibosi beleyum ka' nongkanonongimo hondo beleyum.

MAZMUR 104:13

Lengkat mae i langit tinuduna konmo mae nu Belento na ujan nokaiyong i bungkutnyo, dunia kahomo apa-apaa na anu pinodaagi'mo nu Belento.

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

MAZMUR 36:8

Talalo ahi' koangga'nyo na kalibosan nu Belento o Tumpu, manusia mihohung i uno nu hohung nu polipik nu Belento.

MAZMUR 5:12

O'amalakon da iwi-iwi' na mian anu mihohung hi Belento mohumpak kabilahian ka' lewa' montaligalai sampe toka sidu-sidutu'. Jagaiakon na to mia-mian anu mongka'ima'i Belento da aha saja' mongoa'i kalame'an kalana Belento.

MAZMUR 68:10

Ujan nolabi-labimo na tinudunakon mae nu Belento, ka' po'ule'mo nompa'omuk tano' nu Belento anu kinunmo.

AMSAL 14:18

Mian anu madi' ko anu nupisumbu-sumbu' timbalimo ponga'; panyo mian anu pande mompaka pintuangmo na ilimu'nyo.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

HAGAI 2:19

Maumo ahi' madi'mo ko gandum anu tinontuha' tiba kau' anggur, kau' ara, kau dalima, tiba kau' zaitun anu ma'isa nimbua' panyo mulai sinaa uuka Aku mombalakatimo belemiu!”

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

ROMA 11:17

Sambagian na to panga-panga' nu kau' zaitun – aijo'mo na to mia-mian Yahudi – tinutu'akonmo. Ka' i pinontutu'akonan aijo', na pinompokampa'an panga' nu kau' zaitun nu kuhat, aijo'mo to Utu-utus anu misa' Yahudi. Kita Utus pinokampa' i kiijo' da kita Utus mongoa'i iwi-iwi' na anu ma'ima' i kantumuu'an nu mian Yahudi anu palesayamo.

PO'ULE' INGULIT 11:12

Tumpu Allah nu belemiu na mompotuu' lipu' aijo' ka' monjagai sataun toka sataun.