MAZMUR 64:4 - KITAB NU TUMPU ALLA LELE MA'IMAI'

⁴ Nu potimbalimo na jila' nu aha matajom susumo bajak, ka' montaeakonmo potatae nu aha anu laloasa hondo susumo pana'.

MAZMUR 64:4 ပူးပေါင်းရင်းမြစ်များ

2 SAMUEL 15:14

Lantas pinoto'imo i Daud hi iwi-iwi' na mian anu ko pangkatnyo kiijo' i Yerusalem, “Imbo' kita mopalaimo, Ola aiya na jalan da kita madi' nu patei i Absalom. Madi' pin ia tokamo mae. Donganmo palia-lia' dumo kita nu loloi'mo mae ka' nu patundu'mo sahingga mian iwi-iwi' i kota' aiya nu pateimo!”

NEHEMIA 4:11

Hau-haunyo aitu anu monsampobali' kami kahanda'mo montumbuhi kami opotolokengkeng mae nu aha, lantas mompateimo kami sahingga tabantaakmo na nokalaja.

MAZMUR 11:2

Kalana mian anu ma'idek na kinyonyoanyo mompana'akonmo mae pana'nyo ka' nompokonamo hihisnyo kahanda'mo nu pana'akon i tampat anu pintung hi mian anu madi' tageo' na kinyonyoanyo.

MAZMUR 55:19

Ia nomposalamatmo mae aku da madi' pinatean nu sampobali' anu nontumbuhimo mae aku, anu nambamo mae mongewa aku.

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

MAZMUR 57:5

Aku tinikumo nu mian anu monsampobali' mae aku, aha sumomo singa anu mangoa hondo hi manusia. Bese' nu aha sumomo talombo' ka' pana' jila' nu aha sumomo ko tajomnyo nu bajak.

MAZMUR 64:7

Aha montanga'imo mombau anu ma'idek, ka' montaloakonmo, “Kami batanga'mo mombau kapandean anu mongakali.” Kinyonyoa ka' pikilan nu aha manusia, maleeng hondo madi' opoko luntok.

HABAKUK 3:14

Hihis nu pana' nu Belento nolampasmo to pola-polaya' nu suludadu nu sampo bali', tempo'nyo suludadu nu aha tinoka mae anu sumomo tombusisi' na kohosonnyo. Da kami nu ga'a-ga'atakonmo.

YOHANES 19:6

Salatan to kapa-kapala nu imam, ka' ponjaga-ponjaga aijo' nontoa i Yesus, aha noloboo'mo, “Salibmo na Ia! Salibmo na Ia!” I Pilatus notatae hi aha, “Ala na Ia, ka' komiumo na mosi salib, aku madi' nohumpak sa'angu' pe'e na kasala'an hi Ia.”

1 SAMUEL 18:11

“Kubunu'akonmo na talombo' aiya hi Daud sampe lampasan toka-toka mokiijo' ipimpi'!” Sumo aijo' na koonyo i Saul i uno nu kinyonyoanyo lantas binunu'akonnyomo na talombo' aijo' pininduan hi Daud, panyo pinoko ala pinedas i Daud.

1 SAMUEL 19:10

Lantas i Saul binatanga'mo mombunu'akon talombo'nyo mokiijo' hi Daud anu aijo' koko pimpi'. Panyo pinoko ala pinedas i Daud sahingga talombo' aijo' nanintotonmo i pimpi'. I Daud nopalaimo da madi' opatei na ia.