MAZMUR 63:3 - KITAB NU TUMPU ALLA LELE MA'IMAI'

³ Da aku montoa Belento i laigan nu Belento, ka' montoa kahosonan ka' katalasanggoan nu Belento.

MAZMUR 63:3 ပူးပေါင်းရင်းမြစ်များ

MAZMUR 21:6

Kalana tinulunganmo nu Belento, ia ingangga'anmo hondo pinotimbalimo nu Belento na ia da tinalasanggomo ka' binilahimo.

MAZMUR 30:12

Haangku pinojadimo nu Belento tarian anu lame' Ingalamo nu Belento na kasusa'an nu kinyonyoangku ka' pinobuke'anmo nu Belento na aku nu kalame'an.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 4:6

Osombahkon na koloban anu ahi' sahondo-hondonyo ka' opalesaya na Tumpu.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

MAZMUR 66:17

Aku nongkakasemo nomoita tulung hi bele-Nyo; uuka aiya ku nyanyimo na bau pompuji' Ia.

MAZMUR 68:25

Iwi-iwi' montoamo Belento balondamo ka' binilahimo, o, Tumpu kalana inguntungmo na nahampate, Tumpu-ngku, Tomundo'ku, tinuntunanmo ka' binilahimo na to mia-mian namba i tampat kajojoongan-Nyo.

MAZMUR 69:16

Boli opojohok na aku nu anjuhakon nu ambai anu bundokmo ka' bokolonmo ka' mule' tonu'mo ilana nu ambai kabai olamunmo i uno nu bolo'.

MAZMUR 96:6

Ia talasanggo hondo ka' oholomati. Laigan-Nyo kahokuasa ka' ma'ima'an.

NOSABATMO 33:18

Lantas i Musa nongkakasemo, “Tumpu potoa mae hi belengku na jingka de Belento tokamo.”

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.