MAZMUR 63:1 - KITAB NU TUMPU ALLA LELE MA'IMAI'

¹ Mazmur i Daud, tempo'nyo ia kiijo' mae i tampat anu mateges hondo i tano' Yehuda.

MAZMUR 63:1 ပူးပေါင်းရင်းမြစ်များ

2 SAMUEL 15:28

Ku tanda'ije kiijo' koko tampat anu lewa' potaapan i kaunyo i padang anu mapeges, sahingga ku humpakmo na lele lengkat mae hi belemiu.”

1 TAWARIKH 16:14

Tumpu aijo'mo na Tumpu Allah-nto, apaa na anu tinantukan-Nyomo saja' oganapi i songko-songko na dunia.

AYUB 8:5

Panyo de hi ia na pinsondo'an nu beleyum mongkakaase da ikalibosi ka'momoita ampun.

MAZMUR 118:28

Belentomo na Tumpu Allah-ngku, aku montalima kaseh hi Belento, O, Tumpungku, ku popodaka'mo na Belento.

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 143:10

Potiju'akon mae na aku mombau pongka'oho' nu Belento, kalana Belentomo na Tumpungku. Belento manonong, ka' molaya'mo aku i jalan anu mahata.

MAZMUR 143:6

Aku balado'a hi Belento lima opotala; sumomo tano' anu notiismo, santuu'ku nongindimo Belento.

MAZMUR 31:14

Iyaya mae daagi'mo ko anu okabuhuk; ihongongkumo na anu monsampobali' mae aku lewa' basisik. Aha binasangaja'mo mongewamo mae aku, ka' binatanga'mo da mompateimo mae aku.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 5:3

De timbali talimakon na anu ku kakase aiya ka' tulungiakon mae na aku, O Tomundo'ku ka' Tumpu-ngku.

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

MAZMUR 91:2

timbali motatae hi Tumpu, “Belentomo na anu montinjohi ka' monjagai mae aku, Tumpu-ngku, Belentomo na ku palesaya.”

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

YESAYA 35:7

Bone' anu mapanas timbalimo talaga, tano' anu kinunmo timbalimo kaho mata nu uee. Tampat anu u'utu mae kinajojoonganmo nu dedeng nu kuhat, nu tumuu'imo nu biho' tiba pondan

YESAYA 41:18

Ku bauimo kaunyo da mo ili ito puge-puge'nyo anu madi' ko anu montumuu'i; mata nu uee lubatmo, mimbulalakmo mae itotonga' nu katano'an. Padang tampat anu mateges Ku potimbalimo talaga; uee lubatmo mae lengkat itano' anu kinunmo.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

MATIUS 12:43

“De ko roh ma'idek mompala'imo sala'samian, roh aijo' mamba songko i tampa-tampat anu mateges molio tampat pilawean, panyo madi' i humpaknyo.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 7:37

I sinaa kamingkotannyomo nu lamean aijo', aijo'mo sinaa anu talalo hondo penting, i Yesus tinuminjomo i Laigan nu Tumpu ka' notatae daka-daka', “Mian anu megot toka mae hi beleng-Ku da monginum.

1 SAMUEL 22:5

Daagi' kino sansinaan samian na nabi sanggonyo i Gad tinokamo hi Daud ka' nompoto'i, “Bolimo jojoong i liang aiya, lako'mo lia-lia' mamba i daerah nu aha Yehuda.” Lantas nambamo na i Daud ka' ninsoopmo i alas anu kiijo' i Keret.