9 O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.
Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”
Sumo aijo' na i Absalom mombau de ko mian nu Israel kahanda' toka mae mongkalak palakalanyo hi tomundo', jadi tiba jalan anu sumo aijo' na i Absalom mongala kinyonyoa nu aha mian Israel.
I Hizkia nontalimamo sulat aijo' hi mian anu sinai, lantas binasa'nyomo. Lapas aijo' ia nambamo nokiijo' i Laigan nu Tumpu ka' binokanyomo na sulat aijo' hi ahop nu Tumpu,
Tumpu montoa mae bansa-bansa idunia aiya ola susumo uee sanjoliji i uno nu pontauk uee, ola susumo sangkonuku na abu' itimbangan neraca; iwi-iwi na togong ola susumo ko laingnyo nu abu' anu ihansunmo hondo.
Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”
Aha nolo-noloboo'mo, “Pateimo na Ia! Pateimo na Ia! Salibmo na Ia!” I Pilatus nompokilawa, “Tionyo ku salibmo na tomundo miu?” To kapa-kapala nu imam nontaami, “Samata-mata i Kaisar na tomundo mami!”
Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”
Panyo tinaman i Hana, “Aku madi' malangu, kita Tuumangku, aku madi' hondo-hondo nonginum anggur! Madi'mo ko anu kutaha imani, ka' hau-haunyo aku balado'a aku monsisik kasansala'anku hi Tumpu.
Anu pinalentahkon i Saul binaumo iwi-iwi' i Daud totu-totu'u. Kalana aijo' i Daud ihangkatmo i Saul binaumo kapala nu suludadu ka' i Daud nu ka'i ma'i nu aha to sulu-suludadu iwi-iwi' ka' mule' to posa-posaihon i Saul.