MAZMUR 62:4 - KITAB NU TUMPU ALLA LELE MA'IMAI'

⁴ Sampe toka hipian na belemiu iwi-iwi' montumbuhi anu ola samian anu memo susumo pimpi' anu tinagelemo ka' susumo pagan mesen anu malia'mo motua'?

MAZMUR 62:4 ပူးပေါင်းရင်းမြစ်များ

MAZMUR 119:163

Iwi-iwi' na anu madi' totu'u ku ka'ideki, panyo atulan nu Belento ku ka'ima'i.

MAZMUR 28:3

Boli mompatei mae aku opotuangmo hi aha mian anu palaganta, tibamo mian anu mombau palabuatan anu ma'idek. Aha motatae ma'ima' hondo na mohongo, panyo i uno nu kinyonyoa nu aha ma'idek hondo.

MAZMUR 5:9

O Tumpu, manjoo' hondo na anu mongewa mae aku! Potiju' mae na aku mombau apaa na anu nu kahanda'i, ka' potiju' mae na jalan nu Belento anu tionyo ahi' ku jalani.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 52:3

O mian anu mahoson, kadaka' beleyum montakabunakonmo palabuatan nu beleyum ma'i-ma'idek, hi mian anu nu kalibosi nu Tumpu?

MAZMUR 55:21

Anu u'utu mae toho'binau sangalungku nolambanimo mae to sanga-sangalunyo, ia madi'mo nontoongi anu jinanji'nyomo.

AMSAL 13:5

Mian anu madi' tageo' na kinyonyoanyo mongka'ideki anu baleko'; panyo kalakuan nu mian anu ma'idek na kinyonyoanyo mongambangi ka' opisala'i.

YESAYA 30:13

Kalana aijo' belemiu sinala'mo. Belemiu sumomo ahi' pagan mesen tangka-tangkas anu noleetmo lengkat mae aita' toka-toka akaong i aluknyo; monti-montiik ahi' belemiu motuamo.

HOSEA 7:3

Tumpu notatae, “Tiba kalakuan nu aha anu talalo hondo baleko' ka' ma'idek aha mian da'isan mompagalamo momposanang kinyonyoa nu tomundo' tiba to paga-pagawe nu pamalentah.

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 22:15

Lapas aijo', to mia-mian nu Farisi namba binasale' hingga-hinggat mongkona mosia na aha mompoki-pokilawa i Yesus da o humpak na kasala'annyo.

MATIUS 22:23

I sinaa aitu mule' to pia-piangkuka na mian nu Saduki tinokamo hi Yesus. Aha mian anu mongakui, saba' mian mate madi' mo mompo'ule' tumuu'.

MATIUS 27:1

Subu-subu hondo, iwi-iwi' na Kapala nu to Ima-imam, ka' polaya' nu Yahudi nombaumo sa'angu' na kaputusan da o pateimo na i Yesus.

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 20:20

Jadi aha molio kasampatan anu ma'ima'. Aha nonsuu'akon hi mian da montiho susumo mian tobos, ka' monsai mian haha aijo' mompoki-pokilawa apa-apaa hi Yesus da o humpak na kasala'annyo, da aha timbali momboa Ia hi anu ko kuasa ka' pamalentah nu Gubernur.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 7:22

Kinyonyoangku mongka'ima'ai atulan nu Tumpu,

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.