MAZMUR 60:2 - KITAB NU TUMPU ALLA LELE MA'IMAI'

² tempo'nyo ia nahampate tiba mian nu Aram-Mesopotamia ka' mian nu Aram-Zoba, ka' tempo'nyo i Yoab ninsusule'mo mae, ka' nompatundu'mo 12.000 na mian nu Edom i Bangka'nyo nu Asin.

MAZMUR 60:2 ပူးပေါင်းရင်းမြစ်များ

2 SAMUEL 22:8

Lantas dunia ilulu'onmo, ka' ginayu'anmo, pu'unnyo nu bungkutnyo iwi-iwi' nongkohenggomo kalana Tumpu Allah notambuha'mo!

2 SAMUEL 8:1

Madi' pinin ilapas na aijo' i Tomundo' Daud nontumbuhimo mule' mian nu Filistin. Pinatundu'nyomo na aha ka' ingalanyomo na tano' nu aha.

1 TAWARIKH 18:12

I Abisai (sanggo nu tinanyo i Zeruya) nompatundu'mo ka' nompateimo 18.000 na mian nu Edom i Bangka'nyo nu Asin.

1 TAWARIKH 18:3

Lapas aijo' i Daud nompatundu'mo i Hadadezer, tomundo' nu Zoba koko da'erah hamat i lipu' Siria. Tempo'nyo aitu i Hadadezer hau-haunyo mambamo mongkuasai da'erah koko matannyo nu Kaunyo Efrat.

1 TAWARIKH 18:5

Mian nu Siria lengkat mae i Damsyik nonsaimo mae suludadu da montulungi i Hadadezer, panyo i Daud nompatundu'mo aha ka' nompateimo 22.000 na mian.

2 TAWARIKH 7:14

lantas mian anu pinalesayamo hi belengku anu saja' monsanggo sanggongku, mangakumo kasala'an, ka' balado'amo ka' mule' tokamo hi belengku, ka' madi'mo mombau kalakuan nu aha anu toto ide-idek, saba' kiita' mae i suluga' Ku hongo mae na do'a nu aha. Ku ampunimo na dosa' nu aha haha aijo' ka' mompotimbalimo mule' lipu' nu aha bilahi.

AYUB 5:18

Kalana Tumpu Allah na nomposakiti ia mule' ahi' na mompakuli'i. Ka' limanyo na nondoke, limanyo mule' ahi' na po'ule' mompo'alin.

AYUB 9:6

Tumpu Allah mompotimbali lulu' sahingga dunia mokohenggo, ka' ohi' anu montungkon dunia gayu'anmo.

MAZMUR 104:32

Ia montonto'i dunia ka' mompotimbali langkakatan bungkutnyo iwi-iwi' i henggonyo, sahingga nosabatmo mae na tibuknyo.

MAZMUR 114:7

O, tano', langkakatanmo na beleyum i ahop nu Tumpu, i ahap nu Tumpu i Yakub,

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

MAZMUR 89:40

Madi'mo kupojadi na palajanjian nu Belento hi posaihon nu Belento, makota'nyo i lumbu'akonmo nu Belento i uno nu hensek.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

YESAYA 30:26

Bitu'on majingkamo mae susumo batu nu sinaa, ka' mule' batu nu sinaa lebemo majingka pimpitunmo lipat nulingkuduimo na jingkanyo bia-biasamo, sumomo ahi' jingka nu anu pitunsinaa na oposa'angu'mo. Iwi-iwi' aijo' saidi' mae jadimo de Tumpu mombobodimo ka' mompo'alinmo iwi-iwi na bela nu mian anu palesayamo hi Ia anu saja'mo ingoa'an nu aha.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 14:17

Tumpu nompalentahmo mae aku da mompoto'i kasusa'an nu kinyonyoangku hi mian anu palesayamo hi Ia. Aku tionyo montaloakon sumo uuka, “Bakasmo da aku humang madi'mo kokamingkotannyo, sinaa tiba pihi sola'mo lolu'on na matangku. Kalana bansangku tinadokmo hondo na belanyo ka' talalomo ahi sinansala.

YEREMIA 30:17

Maumo ahi' sampobali' nu beleyum notataemo, ‘Sion binaamo, ka' madi'mo ko anu nompalahatikan’ panyo belemiu na po ule'mo ahi' Ku pohoson da madi'mo masakit. Ka' bela nu belemiu haha atina' Ku pakuli'imo.”

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEREMIA 48:38

Aita' mae isundap nu laigan iwi-iwi' ka' isongko-songko na tanah lapang me saja haang na ohongo. Kalana Moab pinoso'-Kumo susumo gumbang anu madi'mo oka'ima'i.

MOHAANGI 2:13

O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

AMOS 8:8

Dunia langkakatanmo ka' iwi-iwi' na mian susa'mo na kinyonyoa. Songko-songko na lipu' tolohunjongmo ka' madi'mo daagi' tenda susumo Kaunyo nu Nil.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

MATIUS 27:51

Lalanse' anu pinosegot i uno nu Laigan nu Tumpu, nobeak tinimbali ohua', lengkat i buannyo tinoka i aluknyo. Dunia ginayu'an, ka' to bungku-bungkutnyo nu batu nobiha-biha'.