MAZMUR 60:1 - KITAB NU TUMPU ALLA LELE MA'IMAI'

¹ Anu mongkapalai panyanyi. Ingala i lagu nu nyanyian: Bunga bakung na bau sakisi. Mazmur bau pangajalan lengkat hi Daud,

MAZMUR 60:1 ပူးပေါင်းရင်းမြစ်များ

2 SAMUEL 10:16

Lantas i Tomundo' Hadadezer nompoto'imo da toka mae na aha mian nu Siria anu kiijo' mae i sasu kabete'an Kaunyo nu Efrat sahingga tinokamo, na aha i Helam tinanasakon mae i Sobakh, talenga' nu suludadu i Tomundo' Hadadezer lengkat mae i Zoba.

2 SAMUEL 5:20

Lapas aijo' nambamo na i Daud nokiijo' i Baal-Perasim ka' ikiijo'mo na aha suludadu nu Filistin haha aijo' pinatundu'nyo. Lantas ia notataemo, “Tumpu tinokamo nompoko idek benteng nu sampo bali'ku, susumo iaba' ola sinangkinihap nonganjuhahonmo silina na apaa.” Mokonyo aitu tampat kiijo' sinanggohanmo Baal-Perasim.

2 SAMUEL 8:14

Ia nombaumo kemah da bau kajojoongan nu suludadunyo i songko-songko na Edom, ka mian nu Edom iwi-iwi' tinulutmo hi ia. Tumpu saja'mo nompo untung i Daud mahampate maumo pa' iyaya mae.

2 SAMUEL 8:3

Lapas aijo' i Daud nompatundu' mule' i Tomundo' Hadadezer anak i Rehob anu nompalentah kiijo' i Zoba, sa'angu' na kalajaan koko Damsyik. Tempo'nyo aijo' i Hadadezer, hau-haunyo nambamo kahanda' monsoba de opoko ala po ule' nu kuasai na da'erah koko mata nu Kaunyo Efrat.

2 TOMU-TOMUNDO' 14:7

Daagi' kino minsan nahampate, i Amazia nompateimo suludadu nu Edom aha 10.000 na mian i Bangka'nyo nu Asin, ka' nompatundu'mo kota Sela. Kota' aijo' sinanggohannyo Yokteal. Sampe tempo' uuka aiya kota' aijo' daagi' osanggohi Yokteal.

1 TAWARIKH 18:3

Lapas aijo' i Daud nompatundu'mo i Hadadezer, tomundo' nu Zoba koko da'erah hamat i lipu' Siria. Tempo'nyo aitu i Hadadezer hau-haunyo mambamo mongkuasai da'erah koko matannyo nu Kaunyo Efrat.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 25:11

I Amazia binaanimo ka' binoanyomo na suludadunyo i Bangka' nyo nu Asin. I kiijo' mae aha nahampatemo ka' nompateimo aha 10.000 na suludadu nu Edom.

MAZMUR 108:11

Ihe na momboa aku mamba mokiijo' i Edom? Ihe na molaya' aku mamba mokiijo' i kota' anu ko bentengnyo aijo'?

MAZMUR 44:9

Sahingga kami saja'mo mompopodaka' Belento ka' saja'mo montalima kaseh hi Belento.

MAZMUR 59:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud; tempo'nyo i Saul nompokaumo mian namba nondoyoni laigannyo da opateimo na ia.

MAZMUR 59:11

Kalana Tumpungku manonong Ia tinokamo mae hi belengku, pinobakasnyomo na aku montoa anu monsampobali' mae aku Nupatundu'mo.

MAZMUR 60:10

Panyo Moab baumo tampat pombaso'ian-Ku tengke; Aku montaligalaimo kalana nompatundu'mo Filistea. Hi aha Edom Ku lumbu'akonmo mokiijo' na sapatung-Ku salaku tanda saba' ia aijo' Akumo na tumpu-Nyo.”

MAZMUR 74:1

Nyanyian pangajalan i Asaf. O, Tumpu, pa' sidu-sidutu'mo na Belento mompala'i kami? Kadaka' sampamo, montambuha'i na Belento posi mian nu Belento anu palesayamo hi Belento?

MAZMUR 79:5

O, Tumpu, sampemo toka sidu-sidutu' na Belento motambuha' ka' kinyonyoa nu Belento anu saja' madi' sanang hi kami sabole-bolehmo mook susumo apu?

MAZMUR 79:9

Tulungiakon mae na kami o, Tumpu, Anu momposalamat mae kami, ampuniakon mae na dosa' mami iwi-iwi' ka' pobebasmo mae na kami da Belento o holomati.

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 80:3

Potoamo mae na kakuasa'an nu Belento hi kami, ka' tokamo mae posalamat na kami.

MAZMUR 85:4

Aha madi'mo tinambuha'an nu Belento; tambuha' nu Belento anu taha-tahahumo po'ule'mo ingampunan nu Belento.

MAZMUR 89:19

Kalana anu nonjagai mae kami aijo'mo mian anu pinile'anmo mae nu Belento, o, Tumpu; tomundo' mami Belento Tumpu Israel na tumpunyo anu Susi'.

MAZMUR 89:3

Kalana ku sumbu' na kalibosan nu Belento sampe toka sidu-sidutu', kanonongan nu Belento mahoson hondo susumo langit.

MAZMUR 89:38

Kalaja'annyo sabole-boleh daagi' susumo bitu'on, anu aita mae i kundom, saja' mae monsakisi'i.”

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

ZAKHARIA 10:6

“Mian anu jojoong i Yehuda Ku pohosonmo mian nu Israel Ku posalamatmo. Po ule'mo Ku boa na aha minsusule' i lipu'nyo kalana Ku kanonongi na aha. Ku pojadimo na aha, salaku bansa anu madi' toho' Ku kolilimi. Akumo na Tumpu nu Aha, iwi-iwi' na do'a nu aha po ule'mo Ku palahatikan.

1 SAMUEL 13:11

panyo i Samuel nompokilawamo, “Apaa na anu binaumo nu belento tomundo'?” Tinaaman i Saul, “Tinoangku na mian da'isan montampu'unimo mompala'i aku ka'mule' belento Tuuma ma'isa tinoka i sanang anu tinantukanmo nu belento Tuuma. Ka' mule' aha mian nu Filistin nosa'angu'mo kiijo i Mikhmas.

1 SAMUEL 4:17

Anu nomboa mae lele aijo' nontaami, “Israel nopalaimo kalana nahungku'mo hi aha mian Filistin. Kita nahungku'mo totu-totu'u manjoo'mo na mian sinilaka, ka' suele ua-ua aha na anak nu belento Tuuma, i Hofni tiba i Pinehas. Ka' Peti' Palajanjian nu Tumpu Allah suele ingagoanmo nu aha sampo bali'!”