MAZMUR 6:8 - KITAB NU TUMPU ALLA LELE MA'IMAI'

⁸ Matangku madi'mo talalo montoa kalana susa' na kinyonyoangku, ka' me opiha-pihau' kalana nusaduakon nu to mia-mian anu mongewa mae aku.

MAZMUR 6:8 ပူးပေါင်းရင်းမြစ်များ

AYUB 17:7

Matangku pinahamo kalana lewa'mo i humang; songko-songko na butongku nagesukmo hondo.

MAZMUR 116:8

Tumpu nompojo'onmo mae hi belengku da madi'tinokan mae nu balaa' anu monsilakai, i hase'-Nyomo na aku ka' madi'mo pinojohok-Nyo na aku mohumpak balaa'.

MAZMUR 119:115

O, mian anu ma'idek na kinyonyoanyo boli mae ohani hi belengku! Aku montulutimo palentah nu Tumpu Allah-ngku.

MAZMUR 139:19

De timbali da mian anu ma'idek na kinyonyoanyo nupateimo nu Belento, O, Tumpu, pojo'onakon mae hi belengku na to mia-mian anu lewa' mombubusakon baso'!

MAZMUR 145:18

Ia ohani hi mian anu mongkakase hi Ia, ka' mongkakase hi Ia tiba kinyonyoa anu madi' tageo'.

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 31:10

Kalibosiakon mae na aku, o Tumpu, kalana aku i unomo nu kasusa'an; matangku napoe'mo kalana lewa'mo humang kantumuu'anku nateekmo.

MAZMUR 56:8

Pa' daagi' mule' ko kasalamatan na aha anu lewa'mo mombau anu ma'idek? Tambuha'imo na aha ka' silakai-Mo, o!

YESAYA 30:19

O, belemiu anu jojoong i Yerusalem, belemiu madi'mo me saja' humang. Tumpu mongkalibosimo, ka' sampamo montaami belemiu de belemiu mongkakasemo momoita tulung hi Ia.

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

YESAYA 38:5

da po ule' minsusule' hi Hizkia ka' opoto'i na potuunon-Ku sumo uuka, “Aku, Tumpu, Tumpu nunu sombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Daagi' Kutuangi sampulu' ka' olima' na taun na umun nu beleyum.

MOHAANGI 3:56

Ku poita hondo-hondo da bolimo mompiiti bihing nu Belento mongkona anu kupoita da Belento montulungi mae aku. Sahingga do'angku ihongomo nu Belento, ka' Belento tinokamo mae nati ohani; Belento notatae, ‘Boli mabuhuk.’

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 7:23

Panyo Ku taamije, ‘Aku madi' toho' nonsumbu' komiu! Lako'mo, na komiu anu mombau ka'idekan!’ ”

LUKAS 13:27

Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.