MAZMUR 6:6 - KITAB NU TUMPU ALLA LELE MA'IMAI'

⁶ Kalana de silakamo madi'mo o'inau' na Belento; madi' ko anu mompuji' Belento i dunia nu mian anu sinilakamo.

MAZMUR 6:6 ပူးပေါင်းရင်းမြစ်များ

AYUB 10:1

Na'osamo na aku ka' monguahimo na ku oa'i montutugi kantumuu'anku, sahingga ku taloakonmo iwi-iwi' na kasansala'an nu kinyonyoangku.

AYUB 16:20

Aku lewa' ingalu nu to sanga-sangalungku ka' kinokojoan; aku i humang na nangadap hi Tumpu Allah nomoita tulung.

AYUB 7:3

Sambitu'on toka sambitu'on kantumuu'anku madi' osumbu'-sumbu' pa' moya na opatui; malom toka malom kinyonyoangku nobuke'mo nu kasusa'an.

MAZMUR 115:17

Tumpu madi' nu puji' nu mian anu i natemo, nu mian anu nintatau'mo i tampat anu liing.

MAZMUR 30:10

“Apaa na gunanyo hi Belento de aku silakamo, ka' mintatau'mo iliang nu kubun? Te daagi' jadi na mian anu sinilakamo mompuji' Belento, ka' mule' mombebakon kanonongan nu Belento?

MAZMUR 38:9

Aku nohintutumo ka' madi' daagi' kokahosonan aku nolohehengmo kalana kinyonyoangku madi'mo sinanang.

MAZMUR 39:12

Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

MAZMUR 42:3

Aku mongindimo Tumpu anu tumuu' pa' hipianje na aku mamba monsombah i Laigan-Nyo?

MAZMUR 69:3

Aku tinopolosmo i tampalang anu maleeng hondo, madi'mo kinopanimpeja'an. Aku tinonu'mo i uee anu maleeng hondo, inganjuhakonmo nu ambai anu binundokmo.

MAZMUR 88:11

Te mian anu sinilakamo na pompotoan nu Belento anu okabangangi? Te aha daagi' po'ule' tumuu' ka' mompuji' Belento?

MAZMUR 88:9

To mia-mian anu mompahasumbu' tiba aku pinojo'onmo nu Belento hi belengku, ka' pinotimbalimo nu Belento na aku da mompobubun nganga' nu aha. Aku pinojoongmo nu aha kiijo' i unonyo ka' madi'mo noko ala nosabat,

YESAYA 38:18

Idunia nu mian anu sinilakamo madi'mo ko anu mompuji' Belento, mian anu sinilakamo madi'mo daagi' montaha'imani kanonongan nu Belento.

YEREMIA 14:17

Tumpu nompalentahmo mae aku da mompoto'i kasusa'an nu kinyonyoangku hi mian anu palesayamo hi Ia. Aku tionyo montaloakon sumo uuka, “Bakasmo da aku humang madi'mo kokamingkotannyo, sinaa tiba pihi sola'mo lolu'on na matangku. Kalana bansangku tinadokmo hondo na belanyo ka' talalomo ahi sinansala.

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

LUKAS 7:38

Ia tinuminjo i hiku i Yesus koko tengke-Nyo, ka' i humaang ka' nohumpisi tengke i Yesus nu lolu'nyo. Lapas aijo' tengke i Yesus ingambu'annyomo nu ubaknyo, lantas ingookannyo ka' dinudu'annyo nu minya-minya' manohong.