MAZMUR 6:2 - KITAB NU TUMPU ALLA LELE MA'IMAI'

² O Tumpu, boli mae mondoke aku de Belento motambuha'mo, boli mae mohukum aku de Belento pusamo.

MAZMUR 6:2 ပူးပေါင်းရင်းမြစ်များ

KAJADIAN 20:17

Tumpu nompolengke'mo iwi-iwi' na boune hi laigan i Tomundo Abimelekh kalana apaa na anu tinimbalimo hi Sara bengkele' i Abraham aijo'. Lantas i Abraham binalado'amo hi Tumpu Allah, ka' Tumpu Allah nompo'alinmo i Abimelekh, bengkele'nyo ka' to posa-posaihonnyo boune, sahingga boune haha aijo' po'ule' mule' nohampeakon anak.

AYUB 19:21

O belemiu to sanga-sangalungku, kalibosiakon mae na aku, kalana lima nu Tumpu Allah nondokemo aku.

AYUB 5:18

Kalana Tumpu Allah na nomposakiti ia mule' ahi' na mompakuli'i. Ka' limanyo na nondoke, limanyo mule' ahi' na po'ule' mompo'alin.

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 30:2

Aku mompuji'mo Belento o Tumpu, kalana Belento nomposalamatmo mae aku ka' madi'mo nompojohok sampobali'ku lewa' nongkokojoi mae aku.

MAZMUR 31:10

Kalibosiakon mae na aku, o Tumpu, kalana aku i unomo nu kasusa'an; matangku napoe'mo kalana lewa'mo humang kantumuu'anku nateekmo.

MAZMUR 32:3

De aku ma'isa mongakui dosa'ku, aku tumuu' susa' kalana me saja' motusa' sansina-sinaa.

MAZMUR 38:2

Tumpu boli mae mohukum aku kalana Belento notambuha'mo, boli monsakisa mae aku kalana Belento pinusamo.

MAZMUR 38:3

Pana' nu Belento nolampasmo nombelai mae butongku, lima nu Belento ku oa'i naboatmo hondo na nontanomakon mae aku.

MAZMUR 38:7

Aku dinumukumo ka' tinadungkungmo sansina-sinaa aku mangkuyumo ka' sinusa'mo na kinyonyoa.

MAZMUR 51:8

Belento montutut kinyonyoa anu hodi'; isi mae na kinyonyoangku nu kapandean lengkat mae hi Belento.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

YEREMIA 10:24

Doke mae na kami o Tumpu panyo boli ahi' talalomo opolanit na mondoke mae. Ka' boli ahi' mohukum mae kami de Belento hau-haunyomo pusa, kalana tantu kami silakamo ingko-ingkot.

YEREMIA 17:14

O Tumpu popa alin mae na aku, da aku mahosonmo. Posalamatakon mae na aku, da aku salamatmo. Olanyomo ahi' belento na anu Ku holomati hondo!

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

NOMBILANGMO 12:13

Sahingga i Musa notataemo hi Tumpu, “O Tumpu, ku poita, po'alinakon na ia!”

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.