MAZMUR 59:5 - KITAB NU TUMPU ALLA LELE MA'IMAI'

⁵ Misa' mule' kalana kasala'anku aha kinosia-sia'mo mae ka' mogogou mae.

MAZMUR 59:5 ပူးပေါင်းရင်းမြစ်များ

KAJADIAN 33:20

Lapas aijo' ia nompotinjomo mezbah ikiijo' ka' sinanggohannyomo “El, Tumpu Allah nu aha Israel”.

MAZMUR 54:3

O Tumpu posalamatakon mae na aku nu kuasa nu Belento, bee'i mae ka adinan hi belengku ka kahosonan nu Belento.

MAZMUR 55:15

U'utu mae kita mompaha kanaya paing kali-kalibosian, ka' timbali monsombah Tumpu hingga-hinggat i Laigan nu Tumpu.

MAZMUR 7:7

Tinjomo ka' potambuha'mo mae na Belento, o Tumpu, ka' ewamo na to mia-mian anu mongewamo mae aku. Tinjomo ka' tulungimo mae na aku, kalana Belento montuntut ka'adilan.

MAZMUR 80:4

O, Tumpu, po'ule' mae pokopianiakon na' kantumuu'an mami; polibos maena montoa kami, da kami salamat.

MAZMUR 84:8

Kahosonan nu aha nompaka pintuangmo, tempo'nyo ilumajang namba i Sion, i tampat nu Tumpu iwi-iwi' na anu oholomati nanintoamo mae.

MAZMUR 9:15

da ku puji' na Belento i ahop nu mian anu jojoong i Yerusalem. Aku montaligalaimo kalana lame'mo kalana Belento nomposalamatmo aku.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YEREMIA 18:23

Panyo, Belento o Tumpu monsumbu' apaa na anu tinanga'anmo nu aha da mompateimo mae aku. Kalana aijo' bolimo mongampuni mae aha; bolimo mohapusi kasala'an nu aha. Dokemo na aha sampe tombahangkangmo. Baumo pa' apaa na obau hi aha kalana notambuha'mo na Belento.”

DANIEL 6:7

Lapas aijo' nambamo na aha iwi-iwi' nangadap hi tomundo' ka' notatae, “O, Tuanku Tomundo' Darius, higahiakon na belento Tuanku sampe toka sidu-sidutu'!

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!