MAZMUR 59:13 - KITAB NU TUMPU ALLA LELE MA'IMAI'

¹³ Kalana aha binaladosa'mo nu potatae nu aha; bakasmo da aha nukonamo nu katabuulan nu aha, kalana aha mongka'ima'i lewa' montotobi'akon ka' mombaleko'i.

MAZMUR 59:13 ပူးပေါင်းရင်းမြစ်များ

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

MAZMUR 10:7

Ia ola saja' montotobi'akon, montambuha'i ka' mule' mongakali, potataenyo ola saja' mongka'ideki ka' anu toto ide-idek na otaeakon.

MAZMUR 104:35

Pobakasmo da mian anu binaladosa'mo madi'mo otoa aiya i dunia, pobakasmo da mian anu ma'idek na kinyonyoa silakamo ingko-ingkot. O puji' na Tumpu, o santuu'ku! O puji' na Tumpu!

MAZMUR 109:17

Ia sanang hondo na mongkutuki; bakas da ia nukona nu kutuk! Ia madi' sanang na mombalakati, Bakas da ia madi' mohumpak balakat!

MAZMUR 59:11

Kalana Tumpungku manonong Ia tinokamo mae hi belengku, pinobakasnyomo na aku montoa anu monsampobali' mae aku Nupatundu'mo.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

AMSAL 12:13

Mian anu ma'idek na kinyonyoanyo posi potataenyomo anu toto ide-idek na tinaloakonnyo aijo'mo na monsusa'i ia, panyo mian anu manonong madi' nutokai nu kasusa'an.

YESAYA 54:5

Anu nompotimbalimo beleyum sumomo ahi' langkai' nu beleyum, Tumpu Israel anu susi' aijo'mo na anu Momposalamat beleyum. Tumpu Anu Daka' na Kuasanyo, atina'mo na sanggo-Nyo, Iamo na Tumpu anu mongkuasai songko-songko na dunia.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

YEHEZKIEL 39:7

Panyo aijo' hi aha Israel, Ku poto'imo na sanggong-Ku anu susi' ka' sanggong-Ku aijo madi'mo daagi' ohumimi'i. Sahingga nu sumbu'je nu to bansa-bansa taalu' Akumo ahi' na Tumpu, Tumpu anu susi' lengkat mae hi aha Israel.”

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

NOMBILANGMO 32:13

Tumpu nontambuha'imo bansa Israel sahingga Ia nompojohokmo aha nahalajangan i padang bola pinatompulu' na taun na kopinnyo sahingga iwi-iwi' na mian anu noto idekmo hi Ia sinilakanmo iwi-iwi'.