MAZMUR 57:2 - KITAB NU TUMPU ALLA LELE MA'IMAI'

² Kalibosiakon mae na aku, o, Tumpu, kalibosiakon mae na aku, kalana olamo hi Belento na pihohunganku. I uno nu polipik nu Belento na bau paninsulukanku, de antong anu daka' hondo madi'mo tobung aku mosabatje.

MAZMUR 57:2 ပူးပေါင်းရင်းမြစ်များ

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

MAZMUR 143:9

Aku toka mae kahanda' mihohung' hi Belento, o, Tumpu, pobebasakon mae na aku da madi' nupoposia nu anu monsampobali' mae aku.

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

MAZMUR 41:5

Aku notatae, “Aku binaladosa'mo hi Belento o Tumpu, kalibosiakon mae na aku ka' opa alinakon mae na aku.”

MAZMUR 56:2

Kalibosiakon mae na aku, o, Tumpu kalana aku tinumbuhanmo mae, saja'mo aku sinansala nu to mia-mian anu monsampobali' mae aku.

YESAYA 26:12

O, Tumpu, Nu balakatimo mae na kami da mohumpak kantumuu'an anu ma'ima'; iwi-iwi' na anu obau mami, Belentomo na mombauakon apaa na anu opalalui mami.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.