MAZMUR 57:1 - KITAB NU TUMPU ALLA LELE MA'IMAI'

¹ Anu mongkapalai panyanyi. Ingala i lagu nu nyanyian: Boli mompatei. Mazmur i Daud, tempo'nyo ia nopalaimo ninsoop i uno nu liang da madi' nukabot i Saul.

MAZMUR 57:1 ပူးပေါင်းရင်းမြစ်များ

MAZMUR 125:1

Nyanyian mamba i tampat anu ko balakatnyo. Mian anu pinalesayamo hi Tumpu, sumomo Bungkutnyo nu Sion anu mahoson hondo madi' opoko gayu' ka' montahan pin sampe toka sidu-sidutu'.

MAZMUR 13:5

Boli opojohok mae na sampobali'ku motatae tukoonyo aha nohungku'imo mae aku. Boli opojohok mae na aha mongkokojoi mae aku.

MAZMUR 142:1

Nyanyian pangajalan i Daud, tempo'nyo ia i uno nu liang.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 36:7

Kanonongan nu Belento matunjo hondo sumo ko tangkasnyo nu bungkutnyo, ka' ka adinan nu Belento sumo koleengnyo nu ndalangon; manusia tiba binatang Belento na mompotuu' o Tumpu.

MAZMUR 56:1

Anu mongkapalai panyanyi. Ingala i lagu nu nyanyian: Malapatii' anu i momo'mo, lengkat mae i da'erah anu majo'on. Mazmur i Daud tempo'nyo mian nu Filistin nohakopmo ia kiijo' mae i Gat.

MAZMUR 58:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud.

MAZMUR 59:1

Anu mongkapalai panyanyi. Ingala i lagu nu nyanyian: Boli mompatei. Mazmur i Daud; tempo'nyo i Saul nompokaumo mian namba nondoyoni laigannyo da opateimo na ia.

MAZMUR 61:4

kalana hi Belentomo na pihohunganku, tampat anu mahoson hondo madi' nupoko ala nu sampobali'ku mompinsoopi mae.

MAZMUR 63:7

Tempo'nyo ko mamale' i kahoyotan, ku inau' na Belento, sampahu-pahu aku saja' mompotutugakon Belento;

MAZMUR 75:1

Anu mongkapalai panyanyi. Ingala i lagu nu nyanyian: Boli mompatei. Mazmur i Asaf. Nyanyian.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

MAZMUR 91:4

Ia na nongkukubi beleyum nu polipiknyo sahingga beleyum madi' ko anu mompoposia kiijo' i uno nyo; kanonongan-Nyo sumomo kanta monjagai beleyum.

MAZMUR 91:9

Kalana beleyum nongalamo Tumpu da tinimbali anu nonsangaja'i beleyum. Anu Matangkas na Kuasanyo ingalamo nu beleyum salaku anu monjagaimo beleyum.

YESAYA 10:25

Madi'mo daagi' pin pusa-Ku hi belemiu madi'anmo, lantas aha Ku pateimo.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

LUKAS 13:34

Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'!

YOHANES 16:20

Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

ANU PINOTO'I HI YOHANES 21:4

Ia na monsapuimo iwi-iwi' na lolu' i mata nu aha. Madi'mo daagi' ko anu silaka; kasusa'an, mohaangi, kabai kasakitan suele madi'mo daagi'. Hahan anu pininmo madi'mo daagi'.”

ANU PINOTO'I HI YOHANES 7:14

“Aku madi' monsumbu', Tuan. Posi i Tuanmo na monsumbu',” tinaamanku. Sahingga ia notatae hi belengku, “Aiyamo na to mia-mian anu sinalamatmo anu noko lapasmo na nongoa'i kasansala'an anu daka' hondo. Aha nombaso'imo juba' nu aha nu baso' nu Anak nu Domba aijo' da mopute'.

I RUT 2:12

Ku amalakon da Tumpu mombalosi iwi-iwi' na ka'ima'an nu beleyum. Ku amalakon da beleyum mohumpak apaa na anu patut obee' hi beleyum nu Tumpu, Tumpu Allah Israel, kalana beleyum tinokamo mae mompoita da Ia na monjagai.”

1 SAMUEL 22:1

Lapas aijo' i Daud nompala'imo kota Gat ka' nambamo naninsuluk iliang koko kota' Adulam. Salatan ihongomo nu to utu-utusnyo tu'a tiba to utu-utusnyo iwi-iwi' sangga'at taalu' ia kiijo' mo mae, tinokamo mae na aha hi ia.

1 SAMUEL 24:3

Lia-lia' na i Saul nompile'i totolu' na madala na suludadu anu ahi' otaha imani i songko-songko na Israel lantas nambamo nolio i Daud tiba suludadunyo i sasu kabete'an Bungkutnyo nu Batu Mee' nu Kuhat.

1 SAMUEL 24:4

Sahingga tinokamo na i Saul kiijo' koko to pia-piangkuka na pangkun nu domba i sohipi' nu jalan. Kiijo' daagi ko sa'angu' na liang, ka' i Saul ninsoopmo ningkuhat. Padahan i Daud tiba suludadunyo kiijo' i liang aijo' lebe kiijo' mae i unonyo.

1 SAMUEL 24:8

Sumo aijo' na i Daud nongindeko' suludadunyo ka' madi' mompobee' aha montumbuhi i Saul. I Saul nambamo nompala'imo liang aijo', lantas nambamo noyaya.

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.