MAZMUR 56:7 - KITAB NU TUMPU ALLA LELE MA'IMAI'

⁷ Aha babola-bolak i tampat paninsulukan, mompotomatakon mae iwi-iwi' apaa na anu ku bau, ka' molio jalan pa' mosia na mompatei aku.

MAZMUR 56:7 ပူးပေါင်းရင်းမြစ်များ

MAZMUR 36:12

Boli opojohok na aku nu tumbuhimo mae nu mian anu buulon, kabai nu laa'mo nu mian anu ma'idek na palabuatannyo.

MAZMUR 37:32

Mian anu ma'ima' na kinyonyoanyo saja' nu doyoni nu mian anu ma'idek na kinyonyoanyo anu moliomo kasampatan da mompateimo ia.

MAZMUR 49:6

Aku madi' mabuhuk de nu tokaimo mae nu kasusa'an, kabai de aku nu tumbuhimo mae nu sampobali' anu ma'idek.

MAZMUR 55:15

U'utu mae kita mompaha kanaya paing kali-kalibosian, ka' timbali monsombah Tumpu hingga-hinggat i Laigan nu Tumpu.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MAZMUR 55:9

Aku sampamo molio tampat pihohungan da madi' nukona nu tombosisi' ka' antong anu daka' hondo.

MAZMUR 59:4

Soba toa, na aha nolambanimo mae kahanda'mo mae monsilakai aku, to mia-mian anu toto buhingison nosa'angu'mo mongewamo mae aku; padahan misa' kalana aku nombaumo dosa' kabai nombaumo anu madi' o akui mae, o Tumpu.

ANU MOMPOLELE POTATAE NU TUMPU 8:8

Madi' ko samian pe'e na moko ala montewa' kabai montunda kasilakannyo; aijo' sa'angu' na han anu madi' opoko ala opimpalii; ia madi' moko ala luput i han aijo'; maumo kapandean apaa na obau.

YESAYA 28:15

Belemiu notatae tukoonyo nu belemiu, belemiu nombaumo palajanjian tiba kapatean ka' mule' nombaumo palasitujuan tiba dunia nu mian anu sinilakamo. Pinastikanmo nu belemiu na balaa' anu saidi' mae toka madi' koko mongkona butong nu belemiu, kalana belemiu nompakemo kapandean anu timbali monjagai butong nu belemiu.

YEREMIA 10:25

Potudunje na kapusan nu Belento hi aha to bansa-bansa anu madi' mongakui Belento ka' madi' monsombah Belento. Kalana aha nonsilakaimo mian anu palesayamo hi Belento ingko-ingkot ka' mule nohansunimo lipu' mami.

YEREMIA 7:10

Salatan iwi-iwi' aijo' binaumo nu belemiu, belemiu tokamo mae mangadap hi belengku i aiya iposi Laigan-Ku ka' motatae, ‘Kami madi'mo ko anu mompoposia.’ Lapas mae po ule' mule' ahi' obau nu belemiu na palabuatan anu ma'idek aijo'.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?