MAZMUR 56:5 - KITAB NU TUMPU ALLA LELE MA'IMAI'

⁵ Aku nompuji'mo Tumpu kalana nonginau'mo apaa na anu jinanji'Nyomo; aku palesayamo hi Ia, sahingga aku madi'mo nabuhuk, manusia madi' moko ala mombau apa-apaa hi belengku.

MAZMUR 56:5 ပူးပေါင်းရင်းမြစ်များ

1 TOMU-TOMUNDO' 18:2

Sahingga nambamo na i Elia. Tempo'nyo aitu balaa' kasusa'an i anu o kaan tinalalomo hondo sinusa' kiijo' i Samaria.

MAZMUR 118:6

Aku madi' mabuhuk kalana Tumpu na monsangalui mae aku, manusia madi' moko ala mombau apa-apaa hi belengku.

MAZMUR 41:7

To mia-mian anu toka mae montoa aku, madi' hodi'na kinyonyoa nu aha. Aha sola' mongala lele anu ma'idek apaa na anu jinadimo aiya i butongku, lantas sola'mo nu leangakon nu aha iyaya mae.

MAZMUR 49:6

Aku madi' mabuhuk de nu tokaimo mae nu kasusa'an, kabai de aku nu tumbuhimo mae nu sampobali' anu ma'idek.

YEREMIA 18:18

Mian notatae, “Imbo' da kita basangaja'mo mongewa i Yeremia. Misa' ola ia na bisa motatae, mompotoka apa-apaa hi Tumpu. Saja' daagi' ko imam anu timbali mombee'i pangajalan, daagi' ko mian pande anu timbali mombee'i pokinde'; ka' daagi' ahi' ko nabi anu timbali mompotoka mae hi kita potuunon-potuunon lengkat mae hi Tumpu Allah. Imbo' da okalaktomo na ia hi mian kopian ka' madi'mo daagi' kita mompotombihing potataenyo.”

MATIUS 22:15

Lapas aijo', to mia-mian nu Farisi namba binasale' hingga-hinggat mongkona mosia na aha mompoki-pokilawa i Yesus da o humpak na kasala'annyo.

MATIUS 26:61

Aha notatae, “Mian aiya notatae, ‘Aku moko ala mohobo'akon Laigan nu Tumpu, ka' i uno nu tolunsinaa po'ule'mo opotinjo.’ ”

LUKAS 11:54

Ka' hau-haunyo aijo', aha nondingangangmo Ia ima-ima', da mohongo apa-apaa na anu Nu taeakon.

YOHANES 2:19

I Yesus nontaami, “Hobo'akon na Laigan aiya, ka' i uno nu tolun sinaa po'ule'je Ku potinjo.”

2 PETRUS 3:16

I uno nu sulatnyo iwi-iwi', i Paulus saja' nontulis mongkona han aijo'. Memang daagi' ko to pia-piangkuka na han, na anu mahan na opangalati'i i uno nu sulatnyo haha aijo'. Ka' hanmo aijo' na gineo-geo'akonmo nu to mia-mian anu madi' ko anu nu pisumbu-sumbu' ka' anu madi' mahoson na imannyo. Han aijo' madi'mo okabangangi, kalana bahagian haha aijo' sangga'at i Kitab nu Tumpu nubau suele nu aha sumo aijo'. Apaa na anu binaumo nu aha aijo' ola monsaduakon posi kapatean nu butong nu aha.

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”

1 SAMUEL 18:21

Binapikin na ia, “Sahanyo ku sale'imo na i Mikhal da mongalamo i Daud, da tiba jalan aijo' i Daud opoko alamo nu patei nu aha mian Filistin.” Jadi pinduanmo na i Saul notatae hi Daud, “Uuka aiya beleyum baumo monianku.”

1 SAMUEL 18:29

Sahingga pinaka kabuhuknyomo na i Daud ka' saja'mo kina idekannyo, sampe sidu-sidutu' i uno nu kantumuu'annyo.

1 SAMUEL 20:33

Nohongo aijo' binunu'akonnyomo na talombo'nyo nokiijo' hi Yonatan kahanda' mompateimo ia. Jadi sinumbu'mo i Yonatan na tuumanyo taalu' totu-totu'umo ahi' ko kahanda'mo mompatei i Daud.

1 SAMUEL 20:7

De i tomundo' motatae, 'Ii'mo',' yo aku madi' opoposia, panyo de ia motambuha', aijo' osumbu'mo taalu' ia nontantukanmo mompateimo aku.