MAZMUR 55:17 - KITAB NU TUMPU ALLA LELE MA'IMAI'

¹⁷ Panyo aku mongkakasemo hi Tumpu, Tumpuje na momposalamat aku.

MAZMUR 55:17 ပူးပေါင်းရင်းမြစ်များ

AYUB 19:7

Aku lewa'mo tinumatuhun kalana talalomo ahi' na pinonsakisa-Nyo aijo', panyo mau pe'e samian madi' ko anu nontoa mae aku. “Iya na ka'adilan,” koonyo nu loboo'ku, panyo madi' ko anu nohongo mae aku.

MAZMUR 119:62

Tonga' pahu aku mobulamo ka' mompuji'mo Belento kalana iwi-iwi' na kaputusan nu Belento adin.

MAZMUR 141:2

Talimakon na do'angku susumo kamangian anu sinombahkonmo, ka' limangku anu pinotalamo susumo anu kinolobanakonmo pihi-pihi.

MAZMUR 72:12

Kalana ia nompobebasmo anu lewa' osakisa anu madi'mo, moko ala mombau apa-apaa, ka' mian anu kinasiasimo anu nomoitamo tulung hi ia.

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

MAZMUR 88:13

Te Belento nombau anu okabangangi ko anu monsumbu' kiijo' i uno nu pintung, kabai kanonongan nu Belento i lipu' kajojoongan nu anu kinolilimanmo?

MAZMUR 92:2

Totu-totu'u ma'ima' hondo na montalima kase hi Belento, O Tumpu, ka' mompuji' Belento, Tumpu Allah Anu Daka' hondo na Kuasanyo;

MOHAANGI 3:8

Aku nolokihismo momoita tulung, panyo Tumpu Allah madi'mo nohongo.

DANIEL 6:10

Sahingga i Tomundo' Darius nontekengimo sulat palentah aijo'.

DANIEL 6:13

nambamo na aha iwi-iwi' nangadap hi tomundo' mongkalak i Daniel. Aha nompoto'imo, “Te misa' belento Tuanku nontekengimo ahi' sulat palentah anu montewa iwi-iwi' na mian, kopinnyo opake na isi nu sulat aijo' tolumpulu' na sinaa na madi' timbali mompotoka poitaon hi sala' samian na pilogot kabai hi manusia, malaingkan ola ahi' samata-mata hi belento Tuanku? Ka' mule' de ihehe na molanggai palentah aijo' saba' ia olumbu'akonmo ahi' i uno nu liang nu singa?” Tinaamanmo i Tomundo', “Memang totu'u, ka' mule' palentah aijo' binaumo unda-undang nu Media tiba Persia ka' mule' madi'mo timbali obabali'i.”

MARKUS 1:35

Dodododopnyo, daagi' subu-subu hondo i Yesus nobula ka' nompala'i laigan. Ia namba nokiijo' i tampat anu liing i sambiha' nu kota, ka' binalado'a i kiijo' mae.

MARKUS 6:46

Noko sai mian da'isan aijo', i Yesus nambamo i bungkutnyo da balado'a.

MARKUS 6:48

Ia nontoa aha susa' hondo na mombose duangan aijo' kalana baleba' lengkat i ahop nu duangan. Kalana aijo' kila-kila i olot nu jam totolu' ka' jam anom subu-subu, Ia tinoka hi aha ilumajang i bawo nu uee. Ka' Ia ilumajang lau-laus susumo anu moliu-liumo aha.

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 10:9

Dodododopnyo sina-sinaa, hau-haunyo aha lumajang ka' malia'mo toka i Yope, i Petrus noliba' nokiita' i laigan ka' binalado'a.

SISIKON NU TO RASUL-RASUL 3:1

Daagi' kino sansinaan i Petrus ka' i Yohanes namba i Laigan nu Tumpu jam totolu' ohanimo malom, tempo'nyomo nu balado'a.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

1 TESALONIKA 5:17

ka' saja' balado'a.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.