MAZMUR 55:10 - KITAB NU TUMPU ALLA LELE MA'IMAI'

¹⁰ O Tumpu, pobingongakonmo na aha iwi-iwi' anu monsapobali' mae aku, bolimo daagi' mompahakona na aha basale', kalana i uno nu kota' tinoangkumo na kabaanian nu aha ka' anu saja' mahantuda'.

MAZMUR 55:10 ပူးပေါင်းရင်းမြစ်များ

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

MAZMUR 58:3

I madi', belemiu ola mule' ahi' nombaumo tanga'an anu ma'idek ilipu' aiya, ka' mompakisa mian i lipu' aiya.

MAZMUR 59:6

Tinjomo mae, o, Tumpu Anu Matangkas na Kuasa-Nyo, tulungimo mae na aku. O, Tumpu Israel, sakisiakonmo mae. Pobungkutmo mae, ka' hukumo na to bansa-bansa, bolimo mongkalibosi mian anu ma'idek na kinyonyoanyo anu saja' mombau ka'idekan.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

HOSEA 7:6

Susumo apu iuno nu tolukun sumo aijo'mo ahi' na niat anu ma'idek tiba kapusan nu aha ola nu una' i uno nu kinyonyoa sampahu-pahu, ka' de subu-subumo kinyonyoa nu aha ko suhu-suhutmo timbalimo moak susumo apu anu mapanas hondo.

HABAKUK 1:3

Kadaka' Belento ola mompojohok aku montoa palabuatan anu ma'idek nanjo-nanjoo'mo aijo'? Te toho' mule' ola o intim nu Belento na montoa palabuatan anu susumo aijo'mo na konjoo'nyo? Iyaya mae daagi ko kahansunan ka talalo buhingison ka' pahantuda'an ka' mule' po ualian.

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

SISIKON NU TO RASUL-RASUL 9:24

Panyo kahanda' nu aha sinumbu'nyomo. Sinaa pihi aha montanda'i i sabatan daka' nu kota da mompatei ia.

1 SAMUEL 19:11

Pihi-pihi aijo' i Saul nonsaimo mian tinopia-piangkuka namba hi laigan i Daud mondoyoni da opateimo daagi subu. Panyo i Mikhal bengkele'nyo nompoto'imo hi ia, “De beleyum madi' mopalai pihi uuka aiya, dodop subu-subu beleyum opateimo.”