ka' binalado'amo daka-daka' na notatae, “O Tumpu, Tumpu Allah nu mompolee' mami! Belento Tumpu Allah kiita' i suluga' ka' mompalentah iwi-iwi' na bansa i dunia aiya. Daka' hondo na kuasa nu belento, ka' madi' opoko hungku'i; madi' ko mian anu moko ala mongewa belento.
Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.
Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.
Tumpu aijo' sumo laigan tangka-tangkas anu mahoson hondo; mokiijo'mo na kalambanan nu mian anu madi' tageo' na kinyonyoanyo da mohumpak tampat anu madi'ko anu mompoposia.
Panyo Aku anu momposalamat aha aijo' mahoson, sanggong-Ku Tumpu Anu Balakuasa. Posi aku na balajuang mongulus palakala nu aha ka' momboa kadamean idunia aiya. Panyo kona hi aha Babel Ku potokamo mae na ka'idekan nu tano' tiba kabuhukan.”
I Maria mohampeakonje samian na anak mo'ane. Anak aijo' tionyo nu sanggohi i Yesus, kalana Ia na momposalamat mian anu palesayamo hi Ia lengkat i dosa' nu aha.”
“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)
Saidi' mae timbalije saba' mian posi utusnyo mombee' da o patei. Ka' aitu mule' na saidi' mae timbali hi tuumanyo tiba anaknyo. To ana-anak tionyo mongewa tina ka' tuumanyo, ka' mombee' aha da o patei.
Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”
Daagi kino sansinaan aha to mia-mian anu lengkat mae i Zif tinokamo mae hi Saul kiijo' i Gibea, ka' nompoto'i hi ia tukoonyo nu aha i Daud kiijo' naninsulukmo i Bungkutnyo nu Hakhila i habe nu padang anu mateges kiijo' i Yehuda.