MAZMUR 53:3 - KITAB NU TUMPU ALLA LELE MA'IMAI'

³ Kiita' mae isuluga' na Tumpu montoa mae mian, molio mian anu pande monsombah Ia.

MAZMUR 53:3 ပူးပေါင်းရင်းမြစ်များ

2 SAMUEL 20:2

Sahingga nambamo na aha mian nu Israel haha aijo', nompala'imo i Daud ka' nombatukimo i Seba. Panyo to mia-mian nu Yehuda na tataap ahi' montuluti ka' monsangalui i Daud lengkat pe'e mae i Kaunyo nu Yordan tinoka-toka i Yerusalem.

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

MAZMUR 14:3

Panyo iwi-iwi' na mian noteba'mo na jalan nu aha ka' pinalagantamo, madi'mo daagi' ko samiannyo na anu mombau anu ma'ima'.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YESAYA 64:6

Kami iwi-iwi' mian anu nahenyumo, ka' mule' palabuatan mami anu ma'ima' na'idekmo ka' kinotonmo. Kami mingkotmo kalana palabuatan mami anu na'idekmo susumo hon anu nagayoumo nu lahabakonmo nu mombun.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

ROMA 3:12

Iwi-iwi' mian natikojo'onmo hi Tumpu, iwi-iwi' pinonga'mo. Madi' ko samian pe'e na mombau anu totu'u; samian pe'e madi'!

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”