MAZMUR 53:2 - KITAB NU TUMPU ALLA LELE MA'IMAI'

² Mian anu ponga' hondo motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati; madi'mo daagi' ko anu nombau palabuatan anu ma'ima'.

MAZMUR 53:2 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 19:3

Panyo mau mule' sumo aijo' daagi' ahi' ko anu ma'ima' hi belento Tomundo. Belento Tomundo nongalinimo iwi-iwi' na Patong Pilogot boune Asyera, anu nu sombah nu mian da'isan ka' belento Tomundo mule' nombaumo sa'angu' na usaha da tumuu' mombatuki pongka'oho' nu Tumpu Allah.”

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 102:19

Tulismo iwi-iwi' na palabuatan nu Tumpu da nubasa' nu lee' to anu aiya mae i ahop, da bansa anu ma'isa pe'e pinohampe timbali mompuji' Ia.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 27:8

Belento notataemo, “Tokamo mae monsombah Aku.” Tinaamankumo, “Aku malia-lia'mo mae toka, o Tumpu;

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’