MAZMUR 53:1 - KITAB NU TUMPU ALLA LELE MA'IMAI'

¹ Anu mongkapalai panyanyi. Ingala ilagu' nu nyanyian: Mahalat. Nyanyian pangajalan i Daud.

MAZMUR 53:1 ပူးပေါင်းရင်းမြစ်များ

1 TOMU-TOMUNDO' 12:26

Tinutugannyo i uno nu kinyonyoanyo, “De mian da'isan tataap saja' mamba i Yerusalem na monsombahkon koloban hi Laigan nu Tumpu susumo anu saja' nu bau nu aha uuka aiya, aha monsangaja'i mule' i Rehabeam, tomundo' nu Yehuda, lantas mompateimo mae aku.”

1 TOMU-TOMUNDO' 14:24

I tampat haha aijo'na lewa' pasala'an nu aha salaku bau ponsombah pilogot. Ka' mule' to momo'ane obee'i kalaja da mombau kalakuan masala' aijo'. Mian nu Yehuda nombaumo kalakuan anu ma'idek sumo aijo', han aijo' tiniho nu aha iwi-iwi' hi to bansa-bansa anu ila'mo nu Tumpu tempo'nyo mian nu Israel ninsoopmo ilipu' aijo'.

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

AYUB 15:16

Apaa mule' manusia anu palaganta ka' anu ko kasala'annyo, anu monggotup kalakuan anu ma'idek susumo uee.

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

MAZMUR 10:13

Kadaka' mian anu ma'idek na kinyonyoanyo me saja' mongalu Tumpu ka' bapikin koonyo Tumpu madi' mule' mohukum ia?

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 10:6

Koonyo i uno nu kinyonyoanyo, “madi' ola palasuma na aku, ka' molundu-lundu na tulunannyo sumomo ahi' suele mian anu madi' mombau anu ma'idek i uno nu kantumuu'annyo.”

MAZMUR 88:1

Nyanyian. Mazmur nu aha sa'anakan mae i Korah. Anu mongkapalai panyanyi. Ingala i lagu nu nyanyian: Mahalat Leanot, Nyanyian pangajalan i Heman, mian nu Ezrahi.

MAZMUR 92:6

Talalo hondo daka' na hahan anu binaumo nu Belento, O, Tumpu, talalo hondo maleeng na pikilan nu Belento!

YEHEZKIEL 16:47

Pa' na'osamo na beleyum nombatuki kalakuan nu aha ka' nontiho palabuatan nu aha anu okahegati aijo'? Ma'isa! Madi'mo daagi' pin beleyumo ahi' na anu tala-talalo palaganta nu lingkuduimo nu beleyum na aha.

YEHEZKIEL 16:51

Memang Samaria ma'idek na palabuatannyo, panyo dosa'nyo madi' mompomintonga' i dosa-dosa' nu beleyum. Kalakuan nu beleyum na molingkudui lebe ma'idek mule'. To utu-utus nu beleyum anu toto bou-boune de obandingkan tiba beleyum na ugaat ahi' timbali o'anggap madi' kokasala'annyo. Beleyum tionyo ahi' mongoa'i ma'ambang ka' mongakui na idekmo na palabuatan!”

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

EFESUS 5:12

Kalana hahan anu nu nubau nu aha opohowini aijo', mau pe'e ola mombisalakon mongambangimo.)

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

1 PETRUS 4:3

Tempo' anu i hikuhakonmo, sampemo na kinopinnyo na belemiu nombaumo anu nuka'ima'i nubau nu to mia-mian anu madi' monsumbu' Tumpu. Komiu tumuu' madi' ma'ima'. Komiu montuluti napisu, lewa' malangu, mompopodaka' bau-bauon, lewa' batawa' ka' monsombah pilogot tiba jalan mombau anu o kahenyui.