MAZMUR 52:3 - KITAB NU TUMPU ALLA LELE MA'IMAI'

³ O mian anu mahoson, kadaka' beleyum montakabunakonmo palabuatan nu beleyum ma'i-ma'idek, hi mian anu nu kalibosi nu Tumpu?

MAZMUR 52:3 ပူးပေါင်းရင်းမြစ်များ

MAZMUR 62:4

Sampe toka hipian na belemiu iwi-iwi' montumbuhi anu ola samian anu memo susumo pimpi' anu tinagelemo ka' susumo pagan mesen anu malia'mo motua'?

AMSAL 21:10

Mian anu ma'idek na kinyonyoanyo saja' mongka'ima'i mombau palabuatan ma'idek maumo pa' hi he madi' ko kalibosannyo na ia.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

MIKHA 3:2

panyo belemiu ola mule' ahi' mongka'ideki palabuatan anu ma'ima' ka' mongka'ima'i palabuatan anu ma'idek. Kinilitanmo nu belemiu titu-tituu' na bansangku, ka' mule' belemiu nombentekimo antok nu aha anu aijo' i buku nu aha.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 1:25

Tumpu anu totu'u, nubalosi nu aha tiba tulu-tulumo anu madi' totu'u. Misa' anu Nompotimbali, panyo anu pinotimbali, aijo'mo na nusombah ka' nupalesaya nu aha. Padahan ahi' anu Nompotimbali na tionyo o puji' sidu-sidutu'! Amin.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.