MAZMUR 51:7 - KITAB NU TUMPU ALLA LELE MA'IMAI'

⁷ Memang, ma'idek na kinyonyoangku salatanmo pe'e aku pinohampe, ka' binaladosa'mo salatanmo pe'e i uno nu ma'alum.

MAZMUR 51:7 ပူးပေါင်းရင်းမြစ်များ

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

MAZMUR 58:4

Mian anu ma'idek na kinyonyoanyo madi'mo tinalakana' salatanmo pe'e mae i kompong nu tinanyo aha nongakalimo salatanmo pe'e i hampe.

NOSABATMO 12:22

Ala na hemput anu batangnyo ko honnyo die' ka' opuuti olobongakon i mangko' anu ko isinyo baso' nu domba aijo' lantas osapuakon i ohi' ohu-ohua' aijo' i sabatan ka' aita' i buannyo nu sabatan aijo' i laigan nu belemiu. Sampe toka dodop daagi' subu madi' timbali ko samian anu atina' hi belemiu mompala'i laigannyo.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YOHANES 13:9

I Simon Petrus notatae, “Desumo aitu, kita Tumpu, boli ola tengkengku, panyo lima tiba ubaku suele!”

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.