MAZMUR 51:6 - KITAB NU TUMPU ALLA LELE MA'IMAI'

⁶ Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 51:6 ပူးပေါင်းရင်းမြစ်များ

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

AYUB 32:8

Panyo anu mombee'i kapandean bapikin hi manusia, ola Roh nu Tumpu Allah Anu Daka' hondo na kuasanyo.

AYUB 38:36

Hi he na pinonsumbu'an nu tomonsi' ibis, Kaunyo nu Nil mosawe'mo? Ihe na nompoto'i hi laki nu manuk tukoonyo ujan tudunmo?

MAZMUR 125:4

O, Tumpu, kanonongimo nu mian anu manonong hi mian anu hodi' na kinyonyoanyo.

MAZMUR 15:2

Mian anu kantumuu'annyo madi' ko alunyo ka' saja' mombau anu ma'ima', ka' madi' baleko' na montaloakon anu totu'u;

MAZMUR 26:2

Selidiki mae na aku, o Tumpu, ka' uji' mae na aku, palesamo mae na anu ku kahanda'i tiba pikilanku.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

MAZMUR 41:5

Aku notatae, “Aku binaladosa'mo hi Belento o Tumpu, kalibosiakon mae na aku ka' opa alinakon mae na aku.”

MAZMUR 5:9

O Tumpu, manjoo' hondo na anu mongewa mae aku! Potiju' mae na aku mombau apaa na anu nu kahanda'i, ka' potiju' mae na jalan nu Belento anu tionyo ahi' ku jalani.

AMSAL 2:21

Kalana, mian anu tumuu' mombatuki pongka'oho' nu Tumpu Allah, aijo'mo na mian anu hodi' na kinyonyoanyo, ahamo na anu jojoong i lipu' anu jinanji'mo nu Tumpu.

AMSAL 2:6

Tumpu Allah na mombee'i kapandean bapikin; lengkat mae hi Ia na pohumpakan nu manusia ilimu' ka' timbali moko ala mangalati'.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

ROMA 7:22

Kinyonyoangku mongka'ima'ai atulan nu Tumpu,

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”